सबैको हाई हाई बन्न सकिँदैन भन्दै एलिना चौहान, स्मारिका ढकालको मज्जाको ठुम्का

इटहरी/ सधैं सबैको मन जित्न सकिँदैन भन्ने यथार्थ बोकेको भावनात्मक सन्देशसहित गायिका एलिना चौहानले नयाँ गीत ‘सबैको हाई हाई बन्न सकिँदैन’ सार्वजनिक गरेकी छन् । गीतमार्फत एलिनाले आफ्ना भोगाइ र भावनालाई पनि खुलेर व्यक्त गरेकी छन् । कस्तुप पन्तको शब्द र संगीतमा बनेको गीतमा रमेश सेन्चुरीले संगीत संयोजन गरेका छन् ।

रोमान्टिक स्वाद बोकेको यो गीत एलिनाकै जीवनसँग मेल खाने गरी प्रस्तुत गरिएको छ, जसका हरेक लाइनले मन छुने खालको अनुभूति दिन्छ । सारथी म्युजिक प्रालिको प्रस्तुति रहेको भिडियोमा स्मारिका ढकालको अभिनय देख्न सकिन्छ । उनको ठुम्का हेर्न लायक छ । हेर्नुस् भिडियो।

भिडिओको निर्देशन तथा कोरियोग्राफी काजिश श्रेष्ठ, छायांकन महेश महरा र सम्पादन दीपक विष्टले गरेका हुन् । कोरसको प्रयोगले भिडिओलाई अझ रंगीन बनाएको छ । सार्वजनिक भएको केही समयमै गीतले दर्शकको साथ पाउँदै २ लाख ६३ हजारभन्दा बढी भ्यूज बटुलिसकेको छ । साथै, गीतका टुक्काहरू टिकटकमा समेत भाइरल भइरहेका छन्, जसले गीतको प्रभावलाई अझ बलियो बनाएको छ ।