फिल्म ‘पारी बुटोल’को कास्टिङ सुरू, अडिसन असार १६ देखि १८ सम्म

इटहरी/ नेपाली समाजका बहुरूपी अनुहार र परिवेशलाई पर्दामा उतार्ने लक्ष्यसहित तयार भइरहेकाे फिल्म ‘पारी बुटोल’ ले कलाकार छनोट प्रक्रिया थालेको छ । निर्देशक गणेश देव पाण्डेको निर्देशनमा बन्ने यस फिल्मका लागि फरक उमेर र जातीय पृष्ठभूमिका नयाँ कलाकारहरू खोजी भइरहेको छ । पाथीभरा इन्टरटेनमेन्ट र अक्टोवर स्टुडियोजको प्रस्तुति तथा ल्याक्सी श्रेष्ठ र शुभम भट्टको निर्माणमा बन्ने यस फिल्मका लागि कास्टिङ कल सार्वजनिक गरिएको छ ।

सार्वजनीक ‘कास्टिङ कल’ पोस्टरमा पुरुष र महिला दुवैका लागि फरक उमेर समूह र शारीरिक बनोटका पात्रहरू आवश्यक रहेको उल्लेख छ । पुरुषतर्फ, २०-२५ वर्ष उमेरका सबै समुदायका युवकहरू, ४० वर्षका सेमी मंगोलियन पुरुष र ४५-५० वर्ष उमेर समूहका सबै पृष्ठभूमिका कलाकार खोजिएको छ । यस्तै महिलातर्फ, १७ वर्षकी मंगोलियन युवती, १९ वर्षकी सेमी मंगोलियन युवती, १८/१९ वर्षकी मंगोलियन र आर्यन युवती, ३५-४० वर्षको मंगोलियन, सेमी मंगोलियन वा आर्यन महिला, र ६० वर्षको आर्यन महिला आवश्यक रहेको उल्लेख गरिएको छ ।

अडिसन कार्यक्रम असार १६ देखि १८ गतेसम्म (सोमबारदेखि बुधवार) नेपाल फिल्म कलेज, पिंगलास्थान, सिनामंगलमा दिउँसो १ बजेदेखि ६ बजेसम्म सञ्चालन हुने छ । इच्छुक प्रतिभाहरूले पोस्टरमा रहेको QR कोड स्क्यान गरेर आवेदन फारम भर्न सक्नेछन् भने थप जानकारीका लागि paaributwal@gmail.com वा +९७७ ९७०८०२२२०९ मा सम्पर्क गर्न सकिने जनाइएको छ ।

@parikalanewsofficial

निर्देशक पाण्डेका अनुसार ‘पारी बुटोल’ यथार्थपरक अभिनय गर्ने क्षमता भएका नयाँ अनुहारहरूलाई प्राथमिकतामा राखेर निर्माण गरिनेछ । फिल्म नेपाली समाजका विविध पात्र र सामाजिक सन्दर्भलाई गहिराइका साथ प्रस्तुत गर्ने उद्देश्यका साथ अघि बढाइएको बताइएको छ ।