इटहरी/ आउदो श्रावण ५ गतेबाट सार्वजनिक प्रदर्शनमा आउने फिल्म ‘लुङा’को ट्रेलर सार्वजनिक भएको छ । बुद्धि तामाङ, भुवन सिंह राई, सारा लोहोरुङ राई, भिम सेरमा लिम्बूको अभिनय रहेको फिल्मको दुई मिनेट लामो सार्वजनिक ट्रेलरमा माया प्रेमसंगै, सामाजिक कथालाई विशेष स्थान दिइएको छ । निर्माता ज्योतिराज राईको ब्यानर भुमिसा प्रोडक्सनले निर्माण गरेको ‘लुङा’मा प्रकाश दाहाल, अनुप लिङ्खिम, सुदिप जंग कार्की, गङ्गा बहादुर राई, सम्झना लिम्बू, रमेश बुढाथोकी, निशान लुइँटेल, स्मृति पोखरेल, सलिना गुरुङको पनि अभिनय रहेको छ ।
किरण राईको निर्देशनमा बनेको फिल्ममा निर्माता सन्जिब राई, प्रयास घिमिरे कार्यकारी निर्माता र शान्ता पौडेल, मनिशा पाठक, मेनुका घिमिरे, कैलाश राई, टि आर साम्सोहाङ सहनिर्माता रहेका छन् । फिल्मको छायांकन कोशी प्रदेशमा गरिएको हो । फिल्म निर्माणमा भुमिसा प्रोडक्सनसंग इस्टन मिडियाले सहकार्य गरेको छ भने ‘लुङा’मा बादल लिम्बू र अनिस श्रेष्ठको संगीत, राजेश पायल राई, मेलिना राई, रचना रिमाल, आयुश प्रधान, निमा तामाङको गायन समावेश गरिएको छ । हेर्नुस् ट्रेलर ।
सागर अर्यालको ध्वनि संयोजन, मिना कार्कीको श्रृङ्गार, किरण राईको छायांकन तथा सम्पादन रहेको छ । पृष्ठभुमि संगीत शैलेन्द्र बाबु प्रधानको, निर्माण नियन्त्रक प्रयास घिमिरे, कलर अनिल राना, कला निर्देशन बिमल लिम्बू र निशान लुइँटेलको रहेको छ । भुवन सिंह राईले लेखेको कथालाइ भुवन सिंह राई, प्रयास घिमिरे र निश्चल सापकोटाले पटकथा सम्बाद लेखेका हुन् । चलचित्रको डिजिटल पार्टनर ओएसआर डिजिटल रहेको छ । चलचित्रलाइ काठमाडौँमा जिजिए ग्रुप र काठमाडौँ बाहिर एफडि कम्पनीले वितरणको जिम्मा लिएको छ ।
Discussion about this post