मामाघर कि जेलबाट फर्केका पल ? उनको कुरामा सन्दीप हाँस्दा आलोचना, हटाईयो अन्तर्वार्ता

इटहरी/ बलात्कार जस्तो संबेदनसिल कुरालाई राष्ट्रिय टेलिभिजनमा मजाक तथा हासोको बिषय बनाएपछि कमेडियन तथा ‘व्हाट्स द फ्लप’ कार्यक्रमका प्रस्तोता सन्दिप क्षेत्री आलोचनाको सिकार भएका छन् । कान्तिपुर टेलिभिजनबाट प्रसारण हुने कार्यक्रम व्हाट्स द फ्लपमा अतिथिको रुपमा अभिनेता पल शाहलाई निम्त्याएका थिए । नाबालिग बलात्कारको आरोपमा जिल्ला र उच्च अदालतबाट सफाइ पाएका शाहले जेल जिवनको घटनालाई रमाईलो तवरले सुनाएका थिए ।

जसमा सन्दीप दिल खोलेर हासेका छन् । जति पलले जेल जिवनमा भएका किस्साहरु सुनाउछन् त्यति नै सन्दिप उनको कुरामा बडो मज्जाले हास्छन् । यता पलले पनि जेल भित्रका कुराहरुलाई सहज तवरले प्रस्तुत गर्छन् । साच्चै नै उनी जेलमा सजाए भोगेर फर्केका हैनन् कि मामाघर गई रमाइलो गरेर फर्केका जस्तै तवरले त्यहा भित्रका कुराहरु निर्धक्क राख्छन् । २ जनाको यो प्रस्तुतीले जो पिडित थियो, उस्लाई नमज्जाले गिज्याएको उक्त अन्तर्वार्ता हेर्दा आभास हुन्थ्यो । सामाजिक संजालमा चर्को आलोचना र बिरोध भएपछि अन्तर्वार्ता प्रसारण भएको टेलिभिजनले उक्त एपिसोडलाई युट्युबबाट हटाएको छ ।

आम मानिसको मानसपटलमा पसिसक्यो, टेलिभिजनबाट पनि ब्रोडकास्ट भैसक्यो । अब, युट्युबबाट हटाएर मात्रै समस्याको समाधान हो त ? उक्त टेलिभिजनले आफ्नो आधिकारिक फेसबुक पेजमा ‘गत शनिबार प्रसारित ‘ह्वाट द फ्लप’ मा छानिएका पात्र र गरिएको संवादबारे जनस्तरबाट प्राप्त प्रतिक्रियालाई कान्तिपुर टेलिभिजन सम्मान गर्दछ । महिलाको प्रतिष्ठा र सम्मान कान्तिपुरको आधारभूत प्रतिबद्धता साथै एजेन्डा पनि हो । त्यसैले सो कार्यक्रमको कन्टेन्ट युट्युबबाट फिर्ता गरिएको छ ।’ भन्दै उक्त एपिसोड युट्युबबाट हटाएको हो ।