इटहरी/ फिल्म “कश्यप”को टाईटल एनाउन्समेन्ट गरिएको छ । आज बिहिबार निर्माण टिमले सार्वजनिक गरेको फिल्मको टाईटल सँगै मुख्य क्यारेक्टर लुक्स र लेखक तथा निर्देशकको नाम मात्र खुलाईएको छ । सार्वजनीक पोष्टरमा अभिनेता सविन श्रेष्ठ फिचर्ड छन् । उनलाई तरवार सहित केही रिसाहा अवस्थामा प्रस्तुत गरिएको छ । केही लामो कपाल र झप्प दारीजुँगामा देखिएका उनको शरीरमा रगत पोतिएको छ ।
यसरी हेर्दा यो फिल्म फूल एक्सन जनरामा बन्ने बुझ्न सकिन्छ । तर, सविनको यो लुक्सले उनी एक्सन हिरोको रुपमा यो फिल्ममा देखिन्छन् कि भिलेनको अवतारमा भन्ने कुरा भने अहिले नै यकिन गर्ने अवस्था छैन । निर्माण टिमले पनि यो कुरालाई गोप्य नै राखेको छ । यो फिल्मलाई दिनेश जी खड्काले लेखेका हुन् भने यसको निर्देशक पनि लेखक खड्का नै हुन् । फिल्म निर्माण हुने व्यानर, निर्माता, अन्य मुख्य कलाकारहरु अहिलेलाई खुलाईएको छैन ।
अभिनेता सविनको अनुसार यी कुराहरू फाइनल भइसके पनि आज टाईटल, क्यारेक्टर लुक्स र लेखक तथा निर्देशकलाई मात्रै प्रस्तुत गरिएको हो, अब चाँडै फिल्मबारे अन्य जानकारीहरु पनि दिँदै जाने सविन बताउँछन् । अन्दाज फिल्मबाट फिल्मी अभिनयमा डेब्यु गरेका सविनले तीन दर्जन बढी नेपाली फिल्ममा प्रमुख भूमिकामा अभिनय गरिसकेका छन् । पछिल्लो समय फिल्मका उनको अभिनय यात्रा पातलिएको थियो । तर, अहिले उनको यो लुक्स हेर्दा यही ‘कश्यप’को लागि तयारीमा जुटेका थिए भन्दा फरक पर्दैन ।
@parikalanewsofficial
Discussion about this post