‘जनै हराएको मान्छे’को ‘आमा’ सार्वजनीक

इटहरी/ आमा र सन्तान बीचको सम्बन्धलाई सम्झाउने भावुक गीत ‘आमा’ सार्वजनिक भएको छ, जुन फिल्म ‘जनै हराएको मान्छे: सम्बन्धका धागाहरू’ को पहिलो गीत हो । गीतमा अर्जुन पोखरेलले लेखेको मनछुने शब्द र संगीत सुन्न पाइन्छ भने उनले मनिषा सुनारसँग सो गीतमा स्वर दिएका छन् । गीतको सार्वजनीक भिडियोमा गाउँ छाडेर सहर पसेका पात्रहरूको संघर्ष, हण्डर र आमाको माया प्रतिको तडप मार्मिक ढंगमा प्रस्तुत गरिएको छ ।

विजय बराल, केकी अधिकारी, मिरूना मगर, शशांक मैनाली, कविता आले लगायतका कलाकारको जीवन्त अभिनयले गीतलाई अझ प्रभावशाली बनाएको छ । एसोसियट निर्देशक मनिष राउतका अनुसार, यो गीत सबै आमाहरू र सहरमा संघर्षरत छोरा-छोरीहरूको भावना समेटेर बनाइएको छ । फिल्मको निर्देशन हिमाल न्यौपानेले गरेका हुन् भने कथा, पटकथा र संवाद भानुभक्त ढकालले लेखेका हुन् । हेर्नुस् गीतको भिडियो ।

‘जनै हराएको मान्छे: सम्बन्धका धागाहरू’ मा आमा र सन्तानबीचको सम्बन्ध, पीडा र पुनर्मिलनको कथा बुनेक‍ो छ ।
पेपरक्लिपको ब्यानरमा निर्माण भएको फिल्मका निर्माता कमल न्यौपाने र विमल न्यौपाने हुन् । फिल्मको सह-निर्मातामा आरके मानन्धर, रूपेश लामा, सिआर बस्नेत, नारायण तिमिल्सिना र चुडामणि सिवाकोटी छन् । यो फिल्म भदौ ६ गतेबाट देशभर प्रदर्शनमा आउनेछ ।