प्रेमको माला टिजर: १२ गाउँका लेखक सन्तोष सरकार भिलेन, साहमुद्दीन खानसँग टकराव

इटहरी/ एक्सन जनरामा तयार भएको फिल्म ‘प्रेमको माला’ टीजर सार्वजनीक भएको छ । फिल्मका प्रमुख अभिनेता साहमुद्दीन खानको जन्मदिनको अवसर पारेर यो फिल्मको निर्माण युनिटले टिजर सार्वजनीक गरेको हो । फिल्म क्षेत्रमा कोशी प्रदेशका जागरुक युवा प्रतिभाहरुले आफ्नै स्थानीय स्रोत साधनबाट यो फिल्म तयार भइरहेको छ । सार्वजनीक ३९ सेकेन्ड लामो टिजरमा फिल्मका प्रमुख अभिनेता खानसँगै ब्लकबस्टर फिल्म ‘१२ गाउँ’का लेखक सन्तोष सरकार भिलेन अवतारमा प्रस्तुत भएका छन् ।

सार्वजनीक टिजरमा प्रमुख अभिनेत्री सुस्मिता पाण्डेलाई पनि फिचर्ड गरिएको छ । पाण्डे, टिजरको अन्तिममा गुण्डाहरुको गोली लागेर अभिनेता खानको काखमा लडेकी छन् । त्यहाँ प्रेम वियोगको चिच्याहट सुन्न सकिन्छ । यो फिल्मको फिल्मको केही प्रतिशत छायांकन बाँकी रहेपनि प्रमुख अभिनेता खानको आज जन्मदिन परेको हुनाले उनलाई उपहार स्वरुप यो टीजर सार्वजनीक गरिएको फिल्मका लेखक तथा निर्देशक हुसैन शेखले बताए । हेर्नुस् टिजर ।

यो टिजर, मात्र एउटा झलक भएको लेखक तथा निर्देशक शेखको भनाई छ । उनका अनुसार बाँकी रहेको छायांकन पश्चात पोस्ट प्रोडक्सनसँगै ट्रेलर कटिङ्गको काम पनि सुरु हुनेछ । सो ट्रेलरमा फिल्मको अझै अभूतपूर्व खुराकहरु समावेश गरिनेछ । एक्सन, त्यसमा पनि स्थानीय सीमित स्रोत र साधनको प्रयोगमा उत्कृष्ट फिल्म तयार गर्ने चुनौतीका वावजुद छायांकनमा समय लागेको भएपनि टिजर सार्वजानिक पश्चात् प्राप्त प्रतिकृयाले उत्साह अझै थपिएको लेखक तथा निर्देशक शेख बताउँछन् ।

@parikalanewsofficial

बाँकी रहेको छायांकन पश्चात पोस्ट प्रोडक्सनको काम सकेर विभिन्न ठाउँमा प्रीमियर सँगै देशव्यापी प्रदर्शन पनि गरिने शेखको योजना रहेको छ । जेएमजी ग्रुप प्रालि बिराटनगरको निर्माणमा तयार भएको यो फिल्म ‘प्रेमको माला’ सम्पादनको कार्य पनि लेखक तथा निर्देशक हुसैनले नै गरिरहेका छन् । फिल्मलाई नेपाली, हिन्दी र बङ्गाली गरी ३ भाषामा निर्माण गरिने बताईएको छ । यो फिल्मको गीतहरूमा समीर विक र सुमिना बराइलिको स्वर सुन्न सकिन्छ । सन्तोष रजकको छायांकन रहेको फिल्ममा विक्रम शाहको व्यवस्थापन र कृष्ण सुवेदीको श्रृंगार रहेको छ भने पोस्ट प्रोडक्सनको काम जानकी मीडिया ग्रुप प्रालिमा भइरहेको छ ।