इटहरी/ लोकप्रिय अभिनेत्री साम्राज्ञी राज्य लक्ष्मी शाह फिल्म “जदौ” मा अनुबन्ध भएकी छन् । उनलाई मुख्य भूमिकामा रहने गरी अनुबन्ध गरिएको निर्माण युनिटले जनाएको छ । सामाजिक प्रेमकथामा बन्ने यो फिल्म ‘जदौ’ नयाँ वर्षको सुभारम्भसँगै बैशाख १ गते टाइटल डिजाइनसहित घोषणा गरिएको थियो । प्रेम र समाजको गहिरो कथालाई समेट्ने उद्देश्यले तयार हुन लागेको यो फिल्मले साम्राज्ञीको नयाँ रुप प्रस्तुत गर्ने अपेक्षा गरिएको छ ।
सिल्भर स्क्रीन इन्टरटेन्मेन्ट र समिश्रण मुभिज एण्ड इन्टरटेन्मेन्ट प्रालिको संयुक्त निर्माणमा बन्ने फिल्मको लेखन तथा परिकल्पना काजी लिम्बूले गरेका हुन् । फिल्मको निर्देशन कसले गर्ने भन्ने विषयमा भने निर्माण पक्षले हालसम्म गोप्यता कायम राखेको छ । ‘जदौ’ को छायांकन भदौ महिनाबाट सुरु हुने तय गरिएको छ ।
छायाँकारको रूपमा श्याम तामाङ रहने छन् भने निर्माण व्यवस्थापन बुद्धि माझीले सम्हाल्नेछन् । संगीतमा बाबुल गिरी रहनेछ भने फिल्ममा ओम चेम्जोङ, राजाराम सुवेदी र शान्ता तामाङ सह-निर्माताका रूपमा रहेका छन् । समिश्रण मुभिजका निर्देशक अन्जन शर्माले अन्य कलाकार तथा प्राविधिक विवरण चाँडै सार्वजनिक गरिने जानकारी दिएका छन् । निर्माण टिमले फिल्मलाई २०८२ सालभित्रै प्रदर्शनमा ल्याउने योजना बनाएको छ ।
@parikalanewsofficial
Discussion about this post