माधव केसी र मेनुका माझी फिचर्ड ‘अजम्बरी माया’को छायांकन सम्पन्न

इटहरी/ लोकप्रिय गायक शिव परियारको सुमधुर स्वरमा सजिएको नयाँ गीत ‘अजम्बरी माया’को म्युजिक भिडियो छायांकन सम्पन्न भएको छ । छायांकन पश्चात निर्माण युनिटले अफिसियल पोस्टर सार्वजनीक गरेको छ । निर्देशक नवल नेपालको निर्देशनमा तयार गरिएको यो म्युजिक भिडियोमा कलाकार माधव केसी र मेनुका माझीले अभिनय गरेका छन् ।

सार्वजनिक पोस्टरका अनुसार, भिडियोमा ग्रामीण परिवेशको प्रेमकथा प्रस्तुत गरिएको अनुमान गर्न सकिन्छ । पोष्टरमा माधवको आलिङ्गनमा मेनुका रहेकी छन् । यी २ को गहिरो मायाको भावनालाई प्रस्तुत गर्ने प्रयास गरिएको यो गीतमा दर्शकले प्रेम, पीडा र समर्पणको अनुभूति पाउने सार्वजनीक पोष्टरबाट अनुमान लगाउन सकिन्छ ।

अजम्बरी माया गीतको शब्द डा. राजु बाबु श्रेष्ठले लेखेका हुन् भने संगीतकार अनिश श्रेष्ठले संगीत भरेका छन् । एरेञ्जरमा आमोस तामाङ छन् भने भिडियो छायांकन मदन कश्यप घिमिरेले गरेका छन् । भिडियोको सम्पादन मित्र डी गुरुङले गरेका हुन् भने पोस्टर डिजाइन शुभास लिम्बूले तयार पारेका छन् । निर्माण युनिटका अनुसार अहिले भिडियो पोस्ट प्रोडक्सनको क्रममा छ । सम्पादन कार्य सकिएपछि चाडैं म्युजिक भिडियो सार्वजनिक गर्ने निर्माण युनिटको तयारी छ ।

@parikalanewsofficial