गोविन्द गौतमको ‘परी’ को शुभ–मुहूर्त सम्पन्न

इटहरी/शुक्रबार कमलादीस्थित गणेश मन्दिरमा एक विशेष समारोहका बीच गोविन्द गौतमको लेखन र निर्देशनमा बन्ने फिल्म ‘परी’ को शुभ मुहूर्त सम्पन्न भएको छ। फिल्मको स्क्रिप्ट पूजा गर्दै निर्माण यात्रा सुरु गरिएको हो।शुभमुहूर्त कार्यक्रममा फिल्मका मुख्य कलाकार किरण केसी,दीपाश्री निरौला,लक्ष्मी गिरी,दीपक अधिकारी,रेणु दुलाल लगायतका चर्चित व्यक्तित्वहरूको उपस्थिति रहेको थियो।

किरण केसीले फिल्मको स्क्रिप्टको खुलेर प्रशंसा गर्दै भने, “यो फिल्मको स्क्रिप्ट एकदमै राम्रो छ। यस्तै, दीपाश्री निरौलाले फिल्ममा दिनानुदिन नयाँ निर्माताहरू जोडिनुलाई सकारात्मक कदम बताएकी छिन्। फिल्ममा किरण केसी, दीपाश्री निरौलाका,प्रियङ्का कार्की, निदेश डिसी, दिगविजय केसी, श्याम राई, घनश्याम गिरी, दीपक अधिकारी, रेणु दुलाल, संगम गौतम, जेशिका पोखरेल, निशा गौतम, अर्नव नागिला लगायतका कलाकारहरूको अभिनय रहनेछ।

‘परी’ को छायाङ्कन जेठ २८-२९ गतेबाट सुरु गर्ने योजना रहेको छ। दोलखा र तनहुँका रमणीय स्थानहरूमा छायाङ्कन गरिने यो फिल्म काल्पनिक परिको कथामा आधारित हुनेछ।फिल्मको छायाङ्कन बाबु श्रेष्ठले गर्नेछन् भने कोरियोग्राफीको जिम्मा कविराज गहतराज र रामजी लामिछानेले सम्हाल्नेछन्। द्वन्द्व निर्देशन रोशन श्रेष्ठले गर्नेछन् भने सङ्गीत दीपक शर्मा र विकास चौधरीको रहनेछभने सुवास काफ्ले फिल्मको प्रोजेक्ट म्यानेजरको भूमिकामा रहेका छन् । निर्माताका अनुसार, ‘परी’ को कथावस्तु काल्पनिक परीको अवधारणामा रहनेछ।

@parikalanewsofficial