‘जन्ते बाख्रो’ को प्रचार पूर्वी नेपालबाट सुरु, देशव्यापी अभियान तीव्र

इटहरी/नेपाली फिल्म ‘जन्ते बाख्रो’ को प्रदर्शन मिति नजिकिदै गर्दा प्रचार प्रसारमा भिन्न शैली अपनाउँदै छ। जेठ २३ बाट देशभर प्रदर्शनमा आउन लागिरहेको यस फिल्मले पूर्वी नेपालको गल्लीदेखि पश्चिमी पहाडसम्म आफ्नो यात्रा सुरु गरिसकेको छ ।

निर्माण टिमका सबैले मोबाइलमा पोष्टर झल्काउँदै, गाउँ सभा र बजारमा पम्प्लेट बाँड्दै, अनि गीतका झलक ट्विटर–फेसबुकमा हल्लाउँदै लोकल दर्शकसँग सिधा संवाद थालेका छन्। निर्माता समापिका गौतम भन्छिन्, “अब पर्दाभित्र मात्र होइन, सडकको भीडमै हाम्रो फिल्मको चर्चा हुने बेला हो।”

जि २१ डिजिटल मार्फत सार्वजनिक तीन गीत—‘घामै राजा’, ‘अङ्गुरको झुप्पो’ र ‘मुकु मुकु म्या’—ले सोशल मिडियामा जम्काभेट प्रतिक्रिया पाइसकेका छन्।
निर्देशक सिमोस सुनुवार ले ओभरहाल्ड कथा र नयां फ्रेमिङ संगै यो फिल्मसँग सौगात मल्ल, गरिमा शर्मा, आशिफ शाह, लोकेन्द्र लेखक, विशाल पहाडी, रमा थपलिया, रुषा न्यौपाने, कुशल गजमेर लगायत कलाकारहरूको टिमलाई समेटेका छन्।

लेखक प्रदीप भारद्वाज को कलमबाट जन्मेको कथा नेपाली विवाह संस्कारको ‘जन्तीमा बाख्रो खुवाउने’ परम्परामा आधारित छ,जहाँ हास्य अनि सामाजिक सन्देश एकै साथ गुन्जिन्छ। मुईन इन्टरटेनमेन्ट को ब्यानरखाली तयार भएको यस फिल्ममा हरि हुमागाईं को डिओपी, उत्तम हुमागाईं को छायांकन र सुनिल शिवभक्ति को सम्पादन छ। वितरणको जिम्मेवारी टिफल्क फिल्म्स ले लिएको छ भने डिजिटल अधिकार जि २१ डिजिटल ले लिएको छ ।निर्माण पक्षको अनुसार जन्ते बाख्रो’ नेपालमै होइन, विदेशका नेपाली बस्ती र अन्तर्राष्ट्रिय हलहरूमा पनि एकैसाथ प्रर्दशनमा आउनेछ।

@parikalanewsofficial