अमित प्रधानको ‘मायाको आभाष’ गीतको भिडियो सार्वजनिक

इटहरी/ डायस्पोरामा रहेर पनि नेपाली गीत-सङ्गीतमा सक्रिय प्रतिभाहरूलाई प्रोत्साहन गर्ने उद्देश्यका साथ म्युजिक नेपालले गायक तथा सङ्गीतकार अमित प्रधानको नयाँ गीत ‘मायाको आभाष’ को म्युजिक भिडियो सार्वजनिक गरेको छ । प्रधानको आवाज, शब्द र सङ्गीत रहेको यो गीत म्युजिक नेपालको आधिकारिक युट्युब च्यानलमा उपलब्ध छ । यस गीतको सङ्गीत निर्माणमा हर्कुलस बस्नेत रहेका छन् ।

गीतको भोकल रेकर्डिङ अस्ट्रेलियाको मेलबर्नमा सन्देश श्रेष्ठले गरेका हुन्, जसले विदेशमा रहेका नेपाली सङ्गीतकर्मीहरूको सक्रियतालाई उजागर गर्छ । गीतमा किरण बरालको बाँसुरीको धुनले थप मिठास भरेको छ । सार्वजनिक गरिएको म्युजिक भिडियोलाई हिमाल थापाले निर्देशन गरेका हुन् । भिडियोमा स्वयं गायक अमित प्रधान र व्हेर्‍री केसीले अभिनय गरेका छन्, जसले गीतको भावलाई पर्दामा उतार्ने प्रयास गरेका छन् । हेर्नुस् भिडियो।

भिडियो निर्माणमा एक दक्ष प्राविधिक टोलीको सहभागिता रहेको छ । रेयवट श्रेष्ठले सिनेम्याटोग्राफर (डीओपी) को भूमिका निर्वाह गर्दै भिडियोलाई कलात्मक ढङ्गले खिचेका छन् । निर्देशक थापाले नै भिडियोको सम्पादन र रङ्ग संयोजनको जिम्मेवारी सम्हालेका छन् । भिडियोको सहायक निर्देशन सञ्जय सुवेदीले गरेका छन् भने मेकअपमा सदिक्षा कर्माचार्य, कपाल सजावट (हेयर) मा खुस्बु श्रेष्ठ र मेकअप सहायकमा ट्यांक साउदले आफ्नो भूमिका निभाएका छन् ।

@parikalanewsofficial

उत्पादन व्यवस्थापनको काम सलिम एमएसएमले गरेका हुन् ।
म्युजिक नेपालले यस गीतको निर्माणदेखि बजार व्यवस्थापनसम्मको सम्पूर्ण काम सम्हालेको छ । विदेशमा रहेका नेपाली प्रतिभाहरूलाई उचित मञ्च र अवसर प्रदान गर्ने आफ्नो लक्ष्य अनुसार म्युजिक नेपालले ‘मायाको आभाष’ जस्ता स्तरीय सिर्जनाहरूलाई दर्शक-श्रोतामाझ ल्याउन सहयोग गरिरहेको छ ।