इटहरी/ नेपाली फिल्म क्षेत्रका उदाउँदा अभिनेता आर्यन अधिकारीले वैवाहिक जीवनको यात्रा सुरु गरेका छन् । शुक्रबार उनले भक्तपुर दुवाकोट निवासी अनिषा केसीसँग दुई पक्षको पारिवारिक जमघटबीच इन्गेजमेन्ट गरेका हुन् । नजिकका आफन्तहरूको उपस्थितिमा सम्पन्न उक्त समारोह सौहार्दपूर्ण वातावरणमा सम्पन्न भएको छ ।
परिवारका अनुसार आर्यन र अनिषाले आउँदो असारमा विवाह गर्ने तयारी गरेका छन् । लामो समयदेखिको आत्मीय सम्बन्धलाई वैवाहिक बन्धनमा रूपान्तरण गर्ने निर्णयमा उनीहरू पुगेका हुन् ।
आर्यन अधिकारीले ‘के म तिम्रो होइन र’ मार्फत नेपाली फिल्ममा डेब्यू गरेका थिए । त्यसपछि उनले ‘बटरफ्लाई’ र ‘बाँध मायाले’ जस्ता फिल्ममार्फत आफ्नो अभिनय क्षमताको छाप दर्शकमा छाडिसकेका छन् । अब भने उनले अभिनयको साथसाथै व्यक्तिगत जीवनमा पनि नयाँ अध्यायको थालनी गरेका छन् ।
@parikalanewsofficial
Discussion about this post