इटहरी/ नयाँ वर्षको अवसरमा नेपाली फिल्म उद्योगमा नयाँ उत्साह थपिएको छ । सिल्भर स्क्रिन इन्टरटेन्मेन्ट र समिश्रण मुभिज एण्ड इन्टरटेन्मेन्ट प्रालिको संयुक्त पहलमा नयाँ फिल्म ‘जदौ’ को निर्माण घोषणा गरिएको छ । भद्रकाली मन्दिरमा सोमबार त्रिकन्याको बाहुलीबाट स्क्रिप्ट पूजा गरी फिल्मको टाइटल डिजाइन सार्वजनिक गरिएको हो ।
अन्तरजातीय प्रेमकथामा आधारित यो फिल्मको कथा काजी लिम्बूले लेखेका छन् । गाउँ र काठमाडौंको पृष्ठभूमिमा खिचिने यो फिल्मले दर्शकलाई भावनात्मक र सामाजिक सन्देश दिने अपेक्षा गरिएको छ ।
@parikalanewsofficial
समिश्रण मुभिजका अध्यक्ष अन्जन शर्माले निर्देशक, कलाकार र प्राविधिक टोलीबारे छिट्टै विस्तृत जानकारी सार्वजनिक गरिने बताए । ‘जदौ’ लाई ०८२ सालभित्रै दर्शकमाझ ल्याउने योजनासहित निर्माण टोलीले मेहनत गरिरहेको छ । यो फिल्मले नेपाली फिल्ममा नयाँ स्वाद र गुणस्तर थप्ने विश्वास निर्माण पक्षको छ ।
Discussion about this post