मोहर टिमले ‘ढुकढुकी’ निर्माण गर्ने, तिहारपछि छायांकन

इटहरी/ फिल्म ‘मोहर’को टिमले नयाँ वर्ष २०८२ को पहिलो दिनमा नयाँ प्रोजेक्ट ‘ढुकढुकी’को घोषणा गर्दै नेपाली फिल्म क्षेत्रमा फर्किएको छ । ‘मोहर’का निर्देशक ओम प्रतिकले नयाँ फिल्म ‘ढुकढुकी’को लेखन तथा निर्देशन दुबै सम्हाल्ने भएका छन् भने निर्माता चुम्बन जंग शाही रहनेछन् ।

फिल्म ‘ढुकढुकी’ फिल्ममेकर प्रा.लि.को ब्यानरमा निर्माण हुने भएको हो । निर्माण टिमले जानकारी दिएअनुसार फिल्मको छायांकन तिहारपछि सुरु हुनेछ, तर हालसम्म कुनै कलाकार फाइनल गरिएको छैन । ‘ढुकढुकी’ नामको फिल्म यसअघि पनि बनेको थियो, जसलाई विनोद मानन्धरले निर्माण गरेका थिए र त्यसको पटकथा तथा संवाद ओम प्रतिकले लेखेका थिए ।

@parikalanewsofficial

अब भने ओम आफै निर्देशकका रूपमा ‘ढुकढुकी’लाई नयाँ स्वरूप दिन लागेका हुन् । ओम प्रतिकद्वारा निर्देशित र चुम्बन जंग शाहीद्वारा निर्मित फिल्म ‘मोहर’ भने साउन २३ गतेबाट प्रदर्शनमा आउँदैछ । ‘मोहर’ रिलिजपछि ‘ढुकढुकी’को छायांकन थालिने निर्माणपक्षले स्पष्ट पारेको छ । नयाँ वर्षको सुरुआतमै भएको घोषणा र ‘मोहर’को तयारीले निर्देशक ओम प्रतिक र निर्माण टिमको व्यस्तता अझै बढेको झल्किन्छ ।