५ वर्षपछि फिल्ममा पुनः कमब्याक गर्दै ‘समर लभ’ अभिनेता आशिष पिया

इटहरी/ नेपाली फिल्म ‘अमिगोस’बाट अभिनेता आशिष पियाले ठुलो पर्दामा पुनः कमब्याक गर्न लागेका छन् । सुविन भट्टराईको चर्चित उपन्यासमा आधारित ‘समर लभ’बाट ५ वर्षअघि नेपाली फिल्म क्षेत्रमा डेब्यु गरेका आशिषले अब अर्को लभस्टोरी फिल्ममार्फत दर्शकमाझ फर्किन लागेका हुन् ।

‘अमिगोस’ नामको यस नयाँ फिल्मको छायांकन आगामी भदौबाट नेपाल र अष्ट्रेलियामा सुरु हुने बताईएको छ । फिल्मको लेखन तथा निर्देशन करिब एक दशकपछि नेपाली फिल्ममा फर्किन लागेका मार्केन्डे डिपविम बस्नेत (मार्कु) ले गर्ने भएका छन् । उनले यसअघि ‘सौर्य’ र ‘द्रव्य’ जस्ता फिल्म निर्देशन गरिसकेका छन् ।

‘अमिगोस’ बिएस इन्टरनेसनल स्टुडियोको ब्यानरमा निर्माण हुँदैछ भने निर्माता विकास आचार्य हुन्, जसले यसै फिल्ममार्फत पहिलो पटक फिल्म निर्माणमा हात हालेका छन् । फिल्ममा सुरेन्द्र रावल सह-निर्माताको रूपमा जोडिएका छन् । कुल छायांकनमध्ये ७० प्रतिशत अष्ट्रेलियामा र बाँकी ३० प्रतिशत नेपालमा हुने निर्माण पक्षले जानकारी दिएको छ ।
हामीलाई टिकटक मा फलो गर्नुस्:

@parikalanewsofficial

हाल फिल्मका लागि आशिष पियाबाहेक दुई मुख्य पात्र-एक अभिनेता र एक अभिनेत्रीको छनोट प्रक्रियामा रहेको र चाँडै टुङ्गो लाग्ने जानकारी निर्माण टिमले दिएको छ । प्रेमकथामा आधारित ‘अमिगोस’ले नयाँ टिम, नयाँ लोकेसन र नयाँ सोचमार्फत नेपाली फिल्ममा नयाँ स्वाद दिन सक्ने अपेक्षा गरिएको छ ।
हामीलाई युट्युवमा हेर्न: