इटहरी/ फिल्म ‘पिताम्बर’को दोस्रो टिजर सार्वजनिक भएको छ । अभिनेता प्रदीप खड्काको जन्मदिनको अवसर पारेर सोमबार निर्माण पक्षले टिजर रिलिज गरेको हो । टिजरमा विशेष रूपमा प्रदीपका दृश्यहरू मात्र समेटिएका छन्, जहाँ उनको दमदार एक्सन अवतार प्रस्तुत गरिएको छ । बुढासुब्बा डिजिटलबाट सार्वजनिक गरिएको टिजरमा प्रदीपले प्रदर्शन गरेका साहसिक स्टन्टहरूलाई प्रमुख स्थान दिइएको छ ।
केही दृश्यहरूमा उनलाई सामान्य भूमिकामा देख्न सकिए पनि टिजरको समग्र भाव एक्सनप्रधान रहेको छ । यसअघि सार्वजनिक पहिलो टिजर र ‘म त फ्यान भए यार’ गीतले राम्रै चर्चा बटुलेका थिए, जसलाई नयाँ टिजरले थप उचाइमा पुर्याउने अपेक्षा गरिएको छ ।
केपी फिल्मस् र पुरुषोत्तम प्रधान फिल्मस्को ब्यानरमा बनेको यो फिल्ममा प्रदीप खड्का, दयाहाङ राई, सौगात मल्ल, आर्यन सिग्देल, अनुपविक्रम शाही, सुरक्षा पन्त, गौरी मल्ल, रविन्द्र झा, प्रमोद अग्रहरि, कामेश्वर चौरासिया, टिका पहाडी, सुलभ पहाडी, सुरवीर पण्डित, विशाल पहाडी, दिव्यदेव पन्त, सुपुष्पा भट्ट, दिव्या रायमाझी, गौरव विष्ट, आशिष पुरुष, ललित विष्ट, किशोर भट्ट, विनोदकुमार पौडेल, नारायण काफ्ले, रविन्द्र भट्टराई लगायतका कलाकारको अभिनय रहेको छ । हेर्नुस् टिजर ।
बालकलाकारका रूपमा आर्नव घिमिरे, प्रयुसदत्त सुवेदी, आध्या लामिछाने, आरोह चौलागाईं र सुप्रोल बुढाथोकी (अनमोल) ले पनि अभिनय गरेका छन् । यो फिल्म कृषा चौलागाईंको निर्देशनमा बनेको हो । निर्माण पक्षमा विशाल चौलागाईं निर्माता, पुरुषोत्तम प्रधान, आध्या लामिछाने र आरोह चौलागाईं सह-निर्माता, सुमन गौतम कार्यकारी निर्माताको रूपमा रहेका छन् ।
प्रदीप भारद्वाज र अभिमन्यु निरवीले पटकथा तथा संवाद लेखेका छन् भने छायांकन पुरुषोत्तम प्रधान, शेरबहादुर लामा र मानकृष्ण महर्जनले गरेका छन् । बन्दे प्रसादको सम्पादन, आशीष अविरल र बाबुल गिरीको संगीत तथा हिमाल केसीको द्वन्द्व निर्देशन रहेको फिल्मलाई आरआर फिल्म्सले वितरण गर्दैछ । चैत २९ गतेदेखि देशभरका हलहरूमा प्रदर्शन हुने यो फिल्मले नेपाली एक्सन फिल्मलाई नयाँ उचाइमा पुर्याउने अपेक्षा गरिएको छ ।
Discussion about this post