फिल्म ‘तिनतारा’को छायांकन सम्पन्न, मित्रताको कथा पर्दामा आउँदै

इटहरी/ १५ वर्षपछि पुनः भेटिएका साथीहरूको जीवनयात्रा र सम्बन्धलाई पर्दामा उतार्न लागेको फिल्म ‘तिनतारा’को छायांकन सकिएको छ । निर्देशक जीवन दाहालको पहिलो निर्देशन रहेको यो फिल्म माउन्टेन र्याट्स मोशन पिक्चर्सको ब्यानरमा निर्माण भएको हो । २०८१ साल पुष २७ गते शुभ मुहूर्त गरिएको फिल्मले २१ दिनको छायांकन अवधि पूरा गर्दै माघ १८ गते छायांकन सम्पन्न गरेको छ ।

फिल्मको छायांकन विराटनगर, सुनसरीको बुग्डहरी, मोरङको सुन्दर हरैचा तथा सप्तकोशी क्षेत्रका विभिन्न स्थानहरूमा गरिएको थियो । निर्देशक दाहालले ‘तिनतारा’ आफ्नो महत्वपूर्ण परियोजना भएको बताएका छन् । फिल्ममा अनुभवी तथा नयाँ पुस्ताका कलाकारहरूको मिश्रण रहेको छ ।

फिल्मको मुख्य भूमिकामा घनश्याम जोशी, उत्तम पाण्डे, दिपेन्द्र शाही, सबिन भट्टराई, नविन चन्द्र आर्याल, अशोक गौतम, मोहन राई, सन्जिप योगी, बेदना राई, रुपेश लामा, सुनिल तामाङ, सन्तोष सरकार, सुस्मा निरौला, गोपाल कृती, रस्मी विश्वकर्मा, अम्शु कार्की, प्रलाद खत्री, संस्कृती कार्की, श्रवण राणा मगर, ललिता विश्वकर्मा, रोजिका नेपाल, भरत कार्की, डेभिड बिस्ट, विकास श्रेष्ठ, प्रदीप दाहाल, देवेंद्र यादव, अमृत काउचा, जयराम ढकाल, रस्मी थापा, समुन तिमलसिना लगायतका कलाकार छन् । यो फिल्मको कथा जीवन दाहालले लेखेका हुन् भने छायांकनको जिम्मेवारी पवन सिग्देलले सम्हालेका छन् ।

फिल्मको ध्वनि रोहित उपाध्याय र अर्विन्द मौरिया, डीओपी अतुल आनन्द, फोटोग्राफी हिमेश तिम्सिना, मुख्य सहायक निर्देशक सबिन भट्टराई, कला निर्देशन रुपेश लामा, सम्पादन जीवन दाहाल, मेकअप तथा हेयर स्टाइलिङ रस्मी बिक, पब्लिसिटी फोटो क्लिकर्स, पोस्ट-प्रोडक्सन आर पी प्रोडक्सन, लाइन प्रोड्युसर रोशन निरौला, देवेंद्र यादव रहेका छन् । तिनताराको कार्यकारी निर्मातामा उत्तम पाण्डे, नविन चन्द्र आर्याल, अशोक गौतम, दिपेन्द्र शाही र सबिन भट्टराई रहेका छन् ।

निर्देशक जीवन दाहालका अनुसार ‘तिनतारा’ले साथीहरूबीचको सम्बन्ध, जीवनका उतारचढाव र समयले ल्याएका परिवर्तनहरूलाई उजागर गर्नेछ । १५ वर्षपछि पुनः भेट भएका साथीहरूको भावनात्मक यात्रा, संघर्ष र तिनले भोगेका अनुभवहरू फिल्मको मुख्य कथा बन्नेछन् । हाल पोस्ट-प्रोडक्सनको चरणमा रहेको फिल्मले दर्शकलाई गहिरो मित्रताको कथा र जीवनको वास्तविक अनुभव दिने निर्माण टिमले विश्वास व्यक्त गरेको छ । फिल्मको प्रदर्शन मिति छिट्टै घोषणा गरिने बताइएको छ ।