इटहरी/ क्राइम थ्रिलर जनरामा निर्माण भएको फिल्म ‘११:५५’ (डु नट ट्रस्ट एनिवान) आगामी चैत्र ८ गते बाट प्रदर्शनमा आउँदैछ । यसैक्रममा, फिल्मका प्रमुख पाँच पात्रको क्यारेक्टर पोस्टर सार्वजनिक गरिएको छ । बुधबार रिलिज गरिएका ती पोस्टरमा सृष्टि श्रेष्ठ, महेश त्रिपाठी, करिष्मा श्रेष्ठ, एमएस अग्रज र डेब्यु अभिनेता सागर खनाल आफ्ना भूमिकाअनुसार प्रस्तुत भएका छन् ।
फिल्मको लेखन तथा निर्देशन केशव पाण्डेले गरेका छन्, जसका लागि यो डेब्यु निर्देशन हो । उनले एमएस अग्रज र शेखर ज्ञवालीसँग मिलेर कथा तयार पारेका छन् । बिचित्र फिल्मस् र गुड जब आट्र्सको व्यानरमा निर्माण भएको फिल्मका निर्माताहरू श्याम शर्मा र सरोजा शर्मा हुन् भने कार्यकारी निर्माता एमएस अग्रज रहेका छन् ।
प्राविधिक पक्षमा अल्मोडा राना उप्रेतीको संगीत, कबिराज गहतराजको कोरियोग्राफी, देव महर्जनको द्धन्द्व निर्देशन, राजेन्द्र मोक्तानको कलर, शैलेश श्रेष्ठको साउण्ड डिजाइन तथा मिक्सिङ, प्रद्युमन मिश्रको डिओपी, रामशरण उप्रेतीको सिनेमाटोग्राफी, पासाङ दावा शेर्पाको सम्पादन तथा सुवास राज काफ्लेको प्रोडक्सन डिजाइन रहेको छ । यस फिल्ममा बुद्धि तामाङ र विशाल पहारीको पनि अभिनय रहेको छ । फिल्मको वितरण कुवेर सिने डिस्ट्रीब्युसनले गर्नेछ ।
Discussion about this post