इटहरी/ नयाँ प्रेमकथात्मक फिल्म ‘सुम्निमा’को निर्देशन मिलन चाम्सले गर्ने भएका छन् । सुम्निमालाई गोर्खा फिल्म्स र चाम्स इन्टरटेन्मेन्टको संयुक्त लगानीमा निर्माण गरिने भएको हो । यो शीर्षकले नारीप्रधान कथा झल्काए पनि, निर्देशक चाम्सका अनुसार फिल्म शुद्ध प्रेम कथामा आधारित हुनेछ ।
‘बिर बिक्रम’, ‘लिली बिलि’, ‘ब्लाइण्ड रक्स’, ‘बबी’ र ‘गोर्खा वारियर’ जस्ता फरक जनराका फिल्महरू निर्देशन गरेर आफूलाई सफल निर्देशक प्रमाणित गरिसकेका चाम्स यस पटक शुद्ध लभ स्टोरी फिल्म लिएर आउन लागेका हुन् ।
राजीव थापाको लेखन रहेको यस फिल्मको छायांकन आगामी अगस्टमा लण्डन र नेपालमा गरिने योजना छ । हाल फिल्मका कलाकार र प्राविधिक टिमको छनोट प्रक्रिया जारी छ । उता, चाम्स निर्देशित अर्को फिल्म ‘अञ्जिला’ भने फागुन २९ गतेबाट प्रदर्शनमा आउने तयारीमा रहेको छ ।
Discussion about this post