इटहरी/ एक जमाना नेपाली फिल्मकी लोकप्रिय अभिनेत्री अरुणिमा लम्सालको वैवाहिक सम्बन्धमा समस्या आएको आशंका गरिएको छ । उनले श्रीमान् सँगका तस्बिर र भिडियोहरू सामाजिक सञ्जालबाट हटाएपछि यो विषय चर्चामा आएको हो ।
गत भदौमा सुनसरी चताराका युवराज श्रेष्ठसँग मागी विवाह गरेकी अरुणिमाले विवाहका तस्बिरहरू फेसबुकमा प्रशस्तै पोस्ट गरेकी थिइन् । तर, अहिले ती सबै हटाइसकेकी छन् । इन्स्टाग्राममा पनि दुवैले एकअर्कालाई अनफलो गरिसकेका छन् ।
विवाहपछिको अन्तरवार्तामा उनीहरूले छोटो समयमै प्रेम बसेर मागी विवाह गरेको खुलाएका थिए । हाल लम्साल अमेरिका बस्दै आएकी छन् भने श्रीमान् नेपालमै छन् । तर, श्रीमान् युवराजले भने विवाहका तस्बिरहरू हटाएका छैनन् । उनको फेसबुक प्रोफाइलमा अझै पनि अरुणिमासँगको विवाहका तस्बिरहरू देख्न सकिन्छ । यसले यी दम्पतीबीच दूरी बढेको अनुमान गर्न सकिन्छ ।
Discussion about this post