इटहरी/ पेपरक्लिप प्रा.लि.ले नयाँ फिल्म ‘जनै हराएको बाहुन’ निर्माण गर्ने घोषणा गरेको छ । जसको निर्देशन हिमाल न्यौपानेले गर्नेछन् । यो फिल्म एउटा साधारण व्यक्तिको जीवनमा आएको अप्रत्याशित मोड र त्यसले पारेको प्रभावको कथामा आधारित हुनेछ ।
निर्माण कम्पनीका बिमल न्यौपानेका अनुसार फिल्मले दर्शकलाई एउटा अनौठो र रोमाञ्चक यात्रामा डोर्याउनेछ । हिमाल न्यौपानेका लागि यो फिल्म ड्रिम प्रोजेक्ट रहेको भनिएको छ । उनले यसअघि वृत्तचित्र र लघु चलचित्रमा आफ्नो कुशलता देखाइसकेका भए पनि ‘जनै हराएको बाहुन’ उनको पहिलो व्यावसायिक निर्देशन हुनेछ ।
फिल्मका कलाकार र प्राविधिक टोलीको घोषणा केही दिनभित्रै गरिने छ । यो फिल्मको छायाङ्कन यो वर्षको अन्त्यसम्म सुरु गर्ने योजना रहेको छ, भने प्रदर्शन मिति २०८२ सालका लागि तय गरिएको छ । ‘जनै हराएको बाहुन’ ले नेपाली समाजको ग्रामीण जीवन, सहरमा बस्ने सपना र व्यक्तिको संघर्षका कथालाई मनोरञ्जनात्मक तरिकाले प्रस्तुत गर्ने लक्ष्य राखेको छ ।
Discussion about this post