म्युजिक भिडियोमा अभिनेत्री साम्राज्ञी राज्यलक्ष्मी शाहको बोल्ड एण्ड बिकिनी अवतार

इटहरी/ अभिनेत्री साम्राज्ञी राज्यलक्ष्मी शाह र विशाल खरेल फिचर्ड म्युजिक भिडियो ‘हारे हारे’ बुधबार अंग्रेजी नयाँ वर्षको अवसर पारेर सार्वजनिक गरिएको छ । यो भिडियो थाइल्याण्डका रमणीय स्थानमा छायांकन गरिएको छ, जहाँ उनीहरूलाई रोमान्टिक अवतारमा देख्न सकिन्छ । भिडियोमा अभिनेत्री शाहलाई विकिनी अवतारमा समेत प्रस्तुत गरिएको छ ।

संजय न्यौपानेको निर्देशनमा बनेको यो म्युजिक भिडियो एलए स्टुडियो इन्टरटेनमेन्टको व्यानरमा निर्माण गरिएको हो । यसमा नेपाल आइडल सिजन २ का गायक सुमित पाठक र गायिका ममता गुरुङले स्वर दिएका छन् । गीतको शब्द, संगीत र एरेञ्ज स्वयं सुमित पाठकले तयार पारेका हुन् । हेर्नुस् भिडियो ।

यसै टिमले यसअघि नेपालकै सबैभन्दा महँगो दाबी गरिएको म्युजिक भिडियो ‘मालती’ निर्माण गरेको थियो । नयाँ भिडियो ‘हारे हारे’लाई पनि उच्च स्तरको बनाउन ध्यान दिइएको छ । सौरभ लामाको सिनेमाटोग्राफी रहेको भिडियोलाई संजय न्यौपाने र कमल खतिवडाले निर्माण गरेका हुन् । सार्वजनिक भएसँगै ‘हारे हारे’ले दर्शकहरूबाट राम्रो प्रतिक्रिया पाइरहेको छ ।