दुर्गेशको दुश्मन हेरेको हेर्यै: प्रियंका, कविता, एलिना, समीक्षा र आनन्दको साथ

इटहरी/ लोकप्रिय मोडल तथा गायक दुर्गेश थापाले नयाँ गीत सार्वजनिक गरेका छन् । फ्यानहरु कमाएसंगै उनले दुश्मन पनि टन्नै कमाएका छन् । तिनै दुश्मनहरुलाई टार्गेट गरेर आफ्नो प्रगतिका गीत गाएका हुन् । उनले यसपटक अन्य चर्चित अनुहारलाई समेत गीत तथा भिडियोमा समावेश गरेका छन् । सिधै उनको दुश्मन को हो भन्ने कुरा त यो गीतमा समीक्षा अधिकारीसंग उनको सहकार्यले देखाउँछ । थापाको टार्गेट पनि त्यतै नहोला भन्न सकिन्न ।

सार्वजनीक ‘दुश्मन हेरेको हेर्यै’ बोलको गीत तथा भिडियो दुवैलाई मेहनतका साथ तयार गरेको देखिन्छ । भिडियोमा एक्सनमा दृष्यहरु समेत समेटिएको छ । जहाँ दूर्गेशको एक्सन अवतार हेर्नलायक छ । यता गीतमा उनले “आजभोलि दुर्जेशको गीत फिल्म तिर बिक्छ, हेर्दै जा भाई इन्डस्ट्रीमा को चाहिँ बढी टिक्छ” जस्ता शब्दहरु प्रयोग गरेर आफ्नो प्रगतिका कुरा समेत गरेका छन् ।

उनको सार्वजनीक गीतमा वरिष्ठ गायक तथा संगितकार आनन्द कार्कीले समेत स्वर दिएका छन्। गीतको अन्त्यमा उनले गीतको मुख्य लाईन गाएका छन् भने भिडियोमा कार्की पनि फिचर्ड छन्। डान्स शैलीमा तयार गरिएको गीतमा आनन्द कार्की, दुर्गेश थापा, समीक्षा अधिकारी र एलीना चौहानको आवाज समावेश छ । गीतमा शब्द तथा संगीत दुर्गेश थापाले तयार पारेका हुन् । हेर्नुस् भिडियो ।

डायनामिक स्टुडियोमा रेकर्ड गरिएको गीतमा परम्परागत वाद्ययन्त्रको प्रयोग गरिएको छ । जसमा बाँसुरी (गोपाल देव), सारंगी (हेमन्त कञ्चा) र शहनाई (समिर जैरु) को रहेको छ । भिडियोमा दुर्गेश थापा सहित प्रियंका कार्की, कविता नेपालीको डान्स देख्न सकिन्छ । प्रियंका र कवितालाई बोल्ड रुपमा प्रस्तुत गरिएको छ । दुर्गेश र कविताले दुश्मनको रुपमा देखिएका प्रियंका बाहेकका दुश्मनलाई तहसनहस गरेको भिडियोमा देखिन्छ । अन्त्यमा प्रियंका पनि दुश्मन बाट दोस्त बनेको देखाईएको छ ।

भिडियोमा पेम लामा र सहदेव श्रेष्ठ पनि देखिएका छन् । भिडियोमा द्वन्द निर्देशन राजु तामाङले गरेका छन् भने छायांकनको जिम्मा रुपेश थापाले लिएका छन् । भिडियो सम्पादन, कलरिङ र भिएफएक्स मिलन विश्वकर्माले गरेका छन् । यस्तै भिडियोको कोरियोग्राफी सञ्जय विश्वकर्माले गरेका छन् । भिडियोको निर्देशन दुर्गेश थापा र बिजु पार्कीले संयुक्त रूपमा गरेका हुन् भने भिडियोलाई दुर्गेश थापाको नाम रहेको युट्युब च्यानलबाट सार्वजनिक गरिएको छ । सार्वजनिक पश्चात गीत तथा भिडियोलाई सकारात्मक प्रतिक्रिया प्राप्त भैरहेको छ ।