जनप्रतिनिधिलाई कालो मोसो दल्ने चलचित्रकर्मी महासंघ अध्यक्ष अरुणको चेतावनी

इटहरी/ नेपाल चलचित्रकर्मी महासंघ कोशी प्रदेशका अध्यक्ष समेत रहेका नेपाली फिल्म निर्माता तथा निर्देशक अरुण कुमार प्रधानले चेतावनी सहित स्ट्याटस सामाजिक संजाल फेसबुकमा राखेका छन् ।उनले इनरुवाका जनप्रतिनिधि प्रती लक्षित गर्दै उक्त स्ट्याटस राखेका हुन् । पछिल्लो समय सरकारी कार्यालय धाउदा धाउदा दिक्दारी भैसकेको दुखेसो पोख्दै आईरहेका थिए । सायदै उनको धैर्यताको बाध फुटेजस्तो छ । त्यसैले उनले ‘ईनरुवा नपा कार्यकक्ष भित्र जनप्रतिनिधि लाई कालो मोसो दलियो भने अचम्म नमान्नु होला । वहाको व्यहवारले चाडै त्यो दिन पनि आउदैछ ।’ भन्दै स्ट्याटस लेखेका छन् ।

उनको इनरुवा नगरपालिका प्रती असन्तुष्टि केही महिनाअघि इनरुवामा आयोजना गरिएको ‘इनरुवा उत्सव, चलचित्र महोत्सव’ देखि हो भन्ने बुझ्न सकिन्छ । उनी अध्यक्ष रहेको संस्था नेपाल चलचित्रकर्मी महासंघ कोशी प्रदेशको आयोजना तथा इनरुवा नगरपालिकाको संयोजनमा उक्त महोत्सव ११ दिनसम्म संचालन भएको थियो । अरुणका अनुसार नगरपालिकाका मेयर केदार भण्डारीले बोले अनुसारको काम नगरेको गुनासो गरेका छन् भने बारम्बार नगरपालिका धाउदा पनि उनको कुरालाई महत्त्व नदिएको कारण प्रधानले यो स्ट्याटस लेखेको अनुमान लगाउन सकिन्छ ।