इटहरी/ सुदर्शन थापा निर्देशित हाल प्रदर्शनरत फिल्म ‘रावायण’लाई पुन: सेन्सर गरी सम्पूर्ण दर्शकलाई हेर्नयोग्य बनाइएको छ । अब १६ वर्षभन्दा मुनिका बालबालिका समेतले पनि यो फिल्म हेर्न पाउनेछन् । यसअघि फिल्मले एडल्ट सर्टिफिकेट पाएको थियो । जसकारणले गर्दा बालबालिकाहरुका लागी रावायण हेर्न अनुमति थिएन । अब भने केही संवादहरूमा ‘बिप’ लगाइएको र केही दृश्यहरूमा ब्लर गरिएको छ ।
केन्द्रिय चलचित्र जाँच समितिले यसलाई ‘पिजी’ सर्टिफिकेट प्रदान गरेको हो । जसले गर्दा अब सम्पूर्ण परिवार एकसाथ बसेर फिल्मको मजा लिन सक्नेछन् । फिल्म “रावायण”ले आफ्नो टिजर, ट्रेलर र गीत मार्फत दर्शकहरू बीच राम्रै चर्चा कमाइसकेको छ ।
हलमा पनि दर्शकहरूले राम्रो प्रतिक्रिया दिईरहेका छन् । यस फिल्ममा नायिका पूजा शर्मा र नायक पल शाह मुख्य भूमिकामा देखिएका छन् । साथै, प्रमोद अग्रहरी, प्रियंका कार्की, प्रकाश शाह, निकिता चण्डक, अर्जुनजंग शाही, कैलाश रावल र शर्मिला मल्लको समेत प्रमुख भुमिकामा अभिनय रहेको छ । फिल्मलाई अभिनेत्री पुजा शर्माले निर्माण गरेकी हुन् ।
Discussion about this post