इटहरी/ फिल्म ‘सानो संसार’को नयाँ गीत ‘मग मग फूलबारी’ हालै सार्वजनिक भएको छ । जसले सिनेप्रेमीहरूको ध्यान तानिरहेको छ । असोज ११ गतेबाट प्रदर्शनमा आउन लागेको यो फिल्मको गीत सोमबार श्रीकृष्ण जन्माष्टमीको अवसरमा काठमाडौमा एक भव्य समारोहका बिच सार्वजनिक गरिएको हो । गीतमा संगीतकार राजनराज सिवाकोटीको शब्द र संगीत छ, भने मेलिना राई र सिवाकोटीले स्वर दिएका छन् ।
विवाहको उत्सवमूलक सेटअपमा तयार पारिएको यो गीतमा फिल्मका मुख्य कलाकारहरूलाई समेटिएको छ । गीतको भिडियोमा शरद महतोको छायांकन र सुजैन खड्का तथा मनोज खड्काको कोरियोग्राफी देख्न सकिन्छ । फिल्ममा हास्य कलाकार केदार घिमिरे ‘माग्नेबुढा’की श्रीमती सीतादेवी तिमल्सेनाले मुख्य भूमिका निर्वाह गरेकी छन् । हेर्नुस् भिडियो ।
यसबाहेक, राज पंगेनी शर्मा, अनु दाहाल, अन्जसा रिजाल, शिशिर सिवाकोटी, सरिता भण्डारी, र जीवन गौतमले पनि यो फिल्ममा अभिनय गरेका छन् । जसले उनीहरूलाई नेपाली फिल्ममा डेब्यु गराएको छ ।
‘सानो संसार’लाई राजधानी मिडिया एड प्रोडक्सन र प्रिन्सेस मूभिजले संयुक्त रुपमा निर्माण गरेका हुन् । फिल्मका निर्माता अर्जुन कुमार र कार्यकारी निर्माता माधव वाग्ले हुन् । फिल्मको निर्देशन सिद्धार्थ पुडार्सनीले गरेका हुन् । उनले यहि फिल्मबाट लेखन र निर्देशनमा डेब्यु गर्दैछन् । उनको लेखनमा सरिष्मा खत्रीले सघाएकी छन् । फिल्मको छायांकन प्रवीन खड्काले र सम्पादन रोमी तन्डुकारले गरेका छन् । डिजिटल पार्टनर म्युजिक नेपाल र क्रिएटिभ पार्टनर टुनामुना कन्सेप्ट रहेको छ ।
Discussion about this post