इटहरी/ सिक्किमका चर्चित युट्युबर तथा कलाकार पदम तामाङको लोकप्रिय युट्युब च्यानल ‘गरिमा इन्टरटेनमेन्ट’ युट्युबबाट हटाइएको छ । उक्त च्यानलमा १० लाखभन्दा बढी सब्सक्राइबर थिए । यसले सिक्किम र वरपरको क्षेत्रमा विशेष लोकप्रियता पाएको थियो भने उनका भिडियोहरुले नेपालमा समेत लोकप्रियता कमाईरहेका थिए ।
पदम तामाङले आफ्नो इन्स्टाग्राम एकाउन्टमा यो दुर्भाग्यपूर्ण जानकारी सार्वजनिक गर्दै च्यानल अब युट्युबमा उपलब्ध नरहेको र सम्भवतः प्रतिबन्धित भएको लेखेका छन् । उनका अनुसार, यो घटनाले उनलाई गहिरो दुःख दिएको छ र फ्यानहरूलाई पनि निराशा पारेको छ । के कारणले च्यानल हटाइएको भन्ने कारण भने अहिलेसम्म स्पष्ट भएको छैन ।
पदम पछिल्लो समय फिल्म ‘होस्टेल-३’ मा अनुबन्ध भएका छन् । त्यसैले उनी अहिले नेपालमै रहेर फिल्मका लागी मेहनत गरिरहेका छन् । ‘गरिमा इन्टरटेनमेन्ट’ च्यानलले मनोरञ्जनात्मक, कमेडी जनरामा रहेर उत्पादन गतिएका भिडियो सामग्री मार्फत दर्शकहरूलाई आकर्षित गर्दै आएको थियो । युट्युब च्यानल हटाइएपछि उनका फ्यानहरूले सोसल मिडियामा दु:ख व्यक्त गरिरहेका छन् र च्यानल पुनःस्थापना हुने आशा समेत राखेका छन् ।
Discussion about this post