इटहरी/ निर्देशक दिवाकर भट्टराईले निर्देशन गर्न लागेको फिल्म ‘नरसिंहाः अवतार’ का लागि कलाकारहरूको चयनलाई अन्तिम रूप दिइँदैछ । फिल्मको मुख्य भूमिकामा अहिलेसम्म तीनजना कलाकारहरूको नाम फाइनल भइसकेको थियो भने अब दीपा शाही र सरोज खनाल पनि यसमा अनुबन्धित भएका छन् । यो फिल्म एक्शन र सोसल ड्रामाको रुपमा तयार हुनेछ । दिपा शाहीको यो डेब्यु फिल्म हुनेछ । म्युजिक भिडियोमा ब्यस्त मोडलको रुपमा परिचित उनी यो फिल्मदेखी उत्साहित छन् ।
निर्माण टोलीले दीपा र सरोजलाई मुख्य भूमिकामा अनुबन्धित गरेको भए पनि उनीहरूको पात्रबारे कुनै जानकारी सार्वजनिक गरेको छैन । फिल्मले नेपाली चलचित्रमा विशेष स्थान पाउने अनुमान गरिएको छ, विशेषगरी महानायक राजेश हमालको आठ वर्षपछि हुने कमब्याककालाई महत्त्वका साथ हेरिएको छ । यो खबरले फिल्म उद्योगमा नयाँ तरंग समेत ल्याएको छ । ‘क्याप्टेन’ पछि अभिनेता सरोज खनालले दिवाकर भट्टराईको निर्देशनमा पुनः काम गर्न लागेका हुन् ।
यसका साथै, निती शाह र सनिशा भट्टराईले पनि यस फिल्ममा अभिनय गर्ने पक्का भैसकेको छ । सनिशाको यो दोस्रो फिल्म हुनेछ भने उनको पहिलो फिल्म ‘१२ गाउँ’ दशैँको फुलपातीका दिनबाट रिलिज हुने तयारीमा छ । ‘नरसिंहाः अवतार’को छायांकन आगामी भदौबाट सुरु हुने योजना छ, र फिल्मको बजेट तीन करोडभन्दा बढी रहने बताईएको छ । निर्देशक भट्टराईको अर्को फिल्म ‘मायावी’ पनि प्रदर्शनको लाईनमा रहेको छ । जसमा अभिनेता पल शाहको प्रमुख भुमिका रहेको छ ।
Discussion about this post