इटहरी/ गाउँले परिवेशमा निर्माण भएका सिरिजले दर्शकलाई मनोरञ्जन दिइरहेको समयमा शहरिया परिवेशलाई समेटेर वेभ सिरिज ‘जस्ट लभ’ निर्माण हुने भएको छ । यो माइन्ड इन्टरटेनमेन्ट प्रालीको ब्यानरमा मेरी बास्सैकी कलाकार मुस्कान लामा र पर्यटन ब्यवसायी अनु शाही ठकुरीले मिलेर यो सिरिज निर्माण गर्ने भएका हुन् । यो वेभ सिरिजका लागी कलाकारहरूको समेत खोजी भैरहेको छ । आमाको भुमिकाको लागी ३५-४० उमेर समुहको महिला, अङ्ग्रेजी टिचरको भुमिकाको लागी ३०-३५ उमेर समुहको युवतीको आवस्यकता रहेको निर्माण युनिटले जनाएको छ ।
यस्तै ५-७ उमेर समुहको बाल कलाकार, १८ देखी २४ वर्ष उमेर समुहको कलेज पढ्ने युवती, १८ देखि २४ उमेर समुहको कलेज पढ्ने युवक र ३५-४० उमेर समुहको बुवाको भुमिका निर्वाह गर्ने पुरुषको खोजी भएको हो । बिस्तृत जानकारीको लागी वेभ सिरिज निर्माण युनिटलाई ९८१३०११६६० नम्बरमा व्हाट्स एप म्यासेज गर्न सकिने छ ।
यो सिरिजको मंगलबार निर्देशकमा मुनाल शिशिर कोईरालालाई अनुबन्धित गर्दै निर्माण घोषणा गरिएको हो । थुप्रै हिट म्युजिक भिडियो दिएका निर्देशक कोईरालाले यसैबाट सिरिज निर्देशनमा डेब्यु गर्न लागेका हुन् । मेघा सिरिजको रुपमा निर्माण हुने ‘जस्ट लभ’मा कथा, पटकथा, सवाद र गीत समेत कोइरालाकै रहनेछ ।
बालदिप राई, समीप निरौला, मुस्कान लामा, अनुजा सिंह, सुभाष शाह गौरव हमाल, मुस्कान लामा, अनुजा सिंह, राजकुमार, प्रिती सिवाकोटी, विनिता दाहाल, मुनाल शिशिर कोइराला, सुभाष शाह, विशाल डंगोल, समीक्षा सानुलगायत कलाकार छनौट भएको सिरिजका लागि केही कलाकार छनौटको क्रममा छन् ।
हरिदेवी कोईराला कार्यकारी निर्माता रहेको सिरिजमा सुजन श्रेष्ठको छायांकन र प्रचार तथा सम्पादन सुवास शाह रहेका छन् । सिरिजको गीतमा दिपकराज विश्वकर्माको संगीत तथा गायक नितिन गजुरेल र गायिका एलिना चौहानले स्वर दिएका छन् । शहर केन्द्रित कलेजको प्रेमकथामा निर्माण हुने सिरिज साउन २८ गतेबाट छायांकन हुनेछ । सिरिज छिट्टै दर्शकले हेर्न पाउने निर्देशक कोइरालाले जानकारी दिए ।
Discussion about this post