इटहरी/ कोशी प्रदेशमा भाषाभाषीका फिल्म तथा सर्ट फिल्महरुको ‘विशेष शो’ गराउने प्रचलन निकै बढेर गएको छ । यसमा पनि लिम्बू रितिरिवाजलाई समेटेर बनाईएका फिल्महरुको विशेष शोमा बाहुल्यता छ । यस्तैमा लिम्बुहरुको बिहेको संस्कारसँग जोडीएको लघु फिल्म खोक्पा र बाध्यताको एकसाथ धरानमा विशेष शो सम्पन्न गरिएको छ । केही समयअघी कोशी प्रदेश सरकारले आयोजना गरेको ‘चलचित्र महोत्सव-२०८१’ मा प्रदर्शन गरिएको यी २ सर्ट फिल्मको धरानमा अवस्थित फ्रेन्डस् सिनेमा हलमा सोमबार शो गरिएको हो ।
लिम्बू जातिमा छोरीचेली विवाह गरेर गएपछि रीतिरिवाज अनुसार कोसेली बुझ्नुलाई खोक्पा भनिन्छ । यही बिषयलाई उठान गरेर निर्माण गरेको ‘खोक्पा’लाई महोत्सबपछी इटहरी धरान लगायत बिभिन्न ठाउमा प्रदर्शन पस्चात धराने दर्शकहरुको माग भएपछी धरानमा सोमबार पुन प्रदर्शन गरिएको हो । खोक्पामा मिना हुक्पा चोङ्वाङ्को निर्माण, प्रकाश लिम्बुको लेखन तथा निर्देशन रहेको छ ।
यस्तै प्रकाश लिम्बुकै लेखन तथा निर्देशन साथै मुख्य अभिनय रहेको अर्को सर्ट फिल्म ‘बाध्यता’ पनि सोमबार खोक्पासंगै प्रदर्शन गरिएको थियो । तिरज लिम्बुको निर्माण रहेको बाध्यताले दर्शकहरुलाई धेरै मनोरन्जन दिएको थियो । सुरु सुरुमा हासिरहेका दर्शकहरु चलचित्रको अन्त्यतिर आँशु थाम्न सकिरहेका थिएनन् । ‘बाध्यता’ले अहिलेका युवा पुस्ताहरुको प्रेम कहानी, रोमान्स अनी त्यस्ले निम्त्याउने आरोह अवरोहलाई निर्देशक सुब्बाले गज्जबले प्रस्तुत गरेका छन् ।
यी २ सर्ट फिल्म ‘खोक्पा’ र ‘बाध्यता’ हेर्न फ्रेण्ड्स सिनेमा हलमा धराने दर्शकहरुको बाक्लो उपस्थिति रहेको थियो । फिल्म हेरिसकेपछि संचारकर्मीहरुसँग दर्शकहरुले ‘खोक्पा’ र बाध्यता दुबै फिल्म निकै मन परेको प्रतिकृया दिए । दर्शकको प्रतिक्रियाले दुबै फिल्मका निर्माण युनिट दङ्ग छन् । बाध्यतामा सारादा शाक्य, प्रकाश लिम्बु रोजनी लिम्बु, रेन्सा लिम्बु, तिरज लिम्बु, कंचन लिम्बु, अदम लिम्बु, लक्ष्मण खनाल, बिनोद रसाइली, सुबाश राई र ईन्द्र लिम्बुको अभिनय रहेको छ । यस्तै खोक्पामा प्रेम सुब्बा, नवीन मेन्याङ्बो, मिना हुक्पा चोङ्बाङ, बादल चेम्जोङ, नुमा नियोङ लिम्बू, तिरज लिम्बू, जोसेप लिम्बू लगायत कलाकारहरूको अभिनय रहेको छ ।
Discussion about this post