इटहरीका माधव केसी बने उत्कृष्ट मोडल, ‘किन दुख्छ मुटु’बाट थापे अवार्ड

इटहरी/ विगत लामो समयदेखी कोशी प्रदेशको इटहरीमा रहेर कलाकारितामा लागिरहेका अभिनेता माधब केसी सम्मानित भएका छन् । उनी हालै सप्पन्न दोस्रो बिराट म्युजिक तथा फिल्म अवार्ड २०८० बाट उत्कृष्ट मोडलको रुपमा सम्मानित भएका हुन् । केसीले म्युजिक भिडियो ‘किन दुख्छ मुटु’ बाट यो अवार्ड हात पारेका हुन् ।

सेलिव्रेटी नेपाल प्रतिष्ठानको आयोजनामा भएको अवार्ड उत्कृष्ट ५ मनोनयन गरिएको थियो । सो मनोनयनबाट अवार्ड जित्न सफल भएपछि केसीमा अझै उर्जा थपिएको छ । उनी भन्छन् ‘यो एउटा अवार्ड मात्र नभएर मेरो लागी मोडलीङ क्षेत्रमा अझै केही गर्ने जोश जाँगर सहितको उर्जा हो ।’ उनले आफ्नो कामको मूल्याकंन गरेकोमा अवार्ड आयोजकप्रती धन्यवाद प्रकट गरेका छन् ।

किन दुख्छ मुटु गीतलाई इटहरी निवासी हरि आचार्यले लेखेका हुन् । उनी शैक्षिक उद्धमी हुन् । २ वर्षअघि सार्वजनिक गीतलाइ गायिका अन्जु पन्तले स्वर दिएकी छन् भने गीतमा नवीन कार्कीको संगीत छ । वियोगान्त गीतको भिडियो पनि मर्मस्पर्शी बनाईएको थियो भने भिडियोमा केसीलाई लाजिना सुवेदीले अभिनयमा साथ दिएकी थिइन् । भिडियोलाई फिल्म निर्देशक नवल नेपालले निर्देशन गरेका छन् । अवार्ड समारोहमा केसीसहित निर्देशक नेपाल पनि उपस्थित थिए ।