सम्मान गर्दै ‘आदिवासी जनजाती मातृभाषी चलचित्र प्रवर्द्धन समिती’को बिचार गोष्ठी इटहरीमा सम्पन्न

इटहरी/ पछिल्लो समय कोशी प्रदेशमा चलचित्रका गतिविधिहरु निकै हुनेगरेका छन् । यस्तैमा नेपाल चलचित्र विकास बोर्ड अन्तर्गतको ‘आदिवासी जनजाती मातृभाषी चलचित्र प्रवर्द्धन समिती’को आयोजना तथा आदिवासी जनजाति चलचित्र महासंघको सह-आयोजनामा ‘बिचार गोष्ठी’ सम्पन्न भएको छ । बिचार गोष्ठीसंगै विभिन्न जातजातिको झाँकि समेत प्रस्तुत गरिएको थियो भने चलचित्र क्षेत्रमा योगदान पुर्याउने विशिष्ठ व्यक्तिहरूलाई सम्मान समेत गरिएको थियो ।

इटहरी अवस्थित इटहरी पार्टि प्यालेसमा बिहिवार सम्पन्न बिचार गोष्ठीमा नेपाल चलचित्र विकास बोर्ड अध्यक्ष भुवन केसी, नेपाल चलचित्रकर्मी महासंघ कोशी प्रदेश अध्यक्ष अरुणकुमार प्रधान, अभिनेत्री मिरुना मगर, आदिवासी जनजाति मातृभाषी चलचित्र प्रवर्द्धधन समिति संयोजक ज्योतिराज राई लगायतले आ-आफ्नो धारणा राखेका थिए ।

बोर्ड अध्यक्ष केसीले नेपालमा निर्माण भएका आदिवासी जनजाती चलचित्रले विश्वमा नेपालको नाम चिनाउने काम गरेको बताए भने उनले ‘आदिवासी जनजातीले आफ्नो भाषासंस्कृतिलाई मध्यनजर गर्दै फिल्म निर्माण गरेपनि नेपालमा यस बिषयमा ऐन अभावका कारण ओझेमा पर्ने गरेको’ धारणा व्यक्त गरे । यस्तै बिचार गोष्ठी कार्यक्रममा बोल्दै केसीले आदिवासी जनजाति चलचित्रको कार्यक्रमहरु बढ्दै गएकोमा खुशी व्यक्त गरे ।

नेपाल चलचित्रकर्मी महासंघ प्रदेश १ का अध्यक्ष अरुण कुमार प्रधानले चलचित्र विकास बोर्डले यसरी देशव्यापी कार्यक्रम गरिरहँदा अब विकास बोर्ड काठमाडौंमा मात्रै सीमित नभएको धारणा राखे । यता अभिनेत्री मिरुना मगरले धेरै समुदायको पात्र बनेर फिल्ममा अभिनय गर्ने मौका पाउदै गर्दा चलचित्र क्षेत्र आफ्ना लागि बिद्यालय जस्तै भएको बताइन् । आदिवासी जनजाति मातृभाषी चलचित्र प्रवर्द्धधन समितिका संयोजक ज्योतिराज राईले चलचित्र नगरीको विकासमा सबै समुदायको उत्तिकै भूमिका रहेको बताए ।

कार्यक्रममा चलचित्र क्षेत्रमा योगदान पुर्याउने अभिनेत्री मिरुना मगर, गीतकार तथा समाज सेवी मिना सिंगक, निर्माता तथा निर्देशक लाख बहादुर तामाङ, कलाकार तथा समाजसेवी डा.सञ्जय खतिवडा, कलाकार तथा निर्माता नवीन पराजुली, लिम्बु चलचित्र हाङनान्दका निर्देशक तथा अनाम रंगमञ्चका अध्यक्ष विजय सन्योक सुब्बा, भुजेल चलचित्रकर्मी संघ केन्द्रिय वरिष्ठ उपाध्यक्ष राजकुमार भुजेल, संस्कार संस्कृति अध्ययन मन्चका कार्यवाहक अध्यक्ष डिक बहादुर भुजेल लगायतलाई सम्मान समेत गरिएको थियो ।