फिल्म ‘माईली’ बन्ने, प्रमुख भुमिकामा अभिनेत्री प्रियंका कार्की अनुबन्ध

इटहरी/ अभिनेत्री प्रियंका कार्की मुख्य भुमिका रहने गरि फिल्म ‘माईली’ बन्ने भएको छ । रुना इन्टरटेन्मेन्टको ब्यानरमा बन्ने फिल्मका लागी अभिनेत्री कार्की अनुबन्धित भएकी छन् । उनी अनुबन्ध भएसंगै फिल्म युनिटले फर्स्टलुक पोस्टर समेत सार्वजनिक गरेको छ । सार्वजनिक पोस्टरमा प्रियंकालाई ग्रामिण महिलाको चरित्रमा प्रस्तुत गरिएको छ ।

बाबू साहेब बलामीको कन्सेप्ट र निर्देशन रहने फिल्म ‘माइली’ बन्ने भैसकेपछी यतिबेला सामाजिक संजालमा माइलीले चाहिँ गाउँ छोड्छिन् कि छोड्दिनन् होला भन्ने जिज्ञासा देखिन थालेको छ । निर्देशक बलामिका अनुसार यो फिल्म सत्यघटनामा आधारित रहेर निर्माण गरिने छ ।

एक दलित महिलाको श्रीमान नभएपछि उमाथी समाजको हेर्ने गलत नजर र साना-साना बच्चाहरु हुर्काउन आईलागेको कठिन परिस्थितिलाई फिल्ममा प्रस्तुत गरिनेछ । शंकर अधिकारी ‘घायल’को गीत र पटकथा, सम्बाद तथा राजेन्द्र बजगाइको संगीत यो फिल्ममा रहनेछ । असारको अन्तिमबाट छायांकन गरिने फिल्म मकवानपुरको वीरखर्ग, कुलेखानी, काठमाडौं र दुबईमा छायांकन गरिनेछ ।