विराटनगरको सिटि सिनेमामा आज साँझ ५:३० बजे फिल्म ‘कल्की’ नि:शुल्क हेर्न पाईने

बिराटनगर/ सिटि सिनेमा हल बिराटनगरले नियमित दर्शकहरुको लागि आज निशुल्क बिशेष शो आयोजना गरेको छ । बिराटनगरको पहिलो मल्टीप्लेक्स हल सिटि सिनेमाले आज आफ्ना नियमित दर्शकहरु संग साक्षात्कार गर्ने र नियमित दर्शकहरुसंग आत्मियता बढाउने उदेश्यसहित नियमित दर्शकहरुलाइ नि:शुल्क चलचित्र देखाउन लागेको सिटी सिनेमाका म्यानेजर शंखर मेहताले जानकारी गराए ।

उक्त नि:शुल्क शोमा हिन्दी फिल्म ‘कल्की’ देखाइनेछ । साँझ ५:३० बजेको शोमा करिब १५० जना नियमित दर्शकहरुलाई चलचित्र देखाइदै छ । हलमा चलचित्र हेर्न आउने दर्शकहरुको मनोभावनाको ख्याल गर्दै समय-समयमा सिटी सिनेमाले यस्ता कार्यहरु गरि रहेको हुन्छ । त्यस्तै अहिले सिटि सिनेमामा चलचित्र हेर्न जाने दर्शकहरुको लागि १०% क्यास ब्याक अफर पनि खुल्ला गरिएको छ ।

उक्त क्यास ब्याकका लागि दर्शकले पहिलो पटकको भुक्तानीमा CITYCINEMA प्रोमो कोडको प्रयोग गर्नु पर्नेछ । त्यस्तै आज देखि बिश्व ब्यापी प्रदर्शनमा आएको ‘कल्की एडी २८९८’ चलचित्र सिटी सिनेमामा 2D र 3D दुवै शो खुल्ला गरिएको छ । ‘कल्की एडी २८९८’ लाइ 2D मा बिहान ९:१५, दिउसो १२:३० र साँझ ३:४५ को शो दिईएको छ । त्यस्तै 3D मा बिहान ८:०० बजे, ११:१५ बजे, दिउसो २:३० बजे, साझ ७:३० बजे र ९:३० बजेको शो निर्धारण गरिएको छ । टिकट www.citycinemas.com.np बाट बुकिङ गर्न सकिनेछ ।