‘आँखै रसिलो’ गीत खिच्दै सकियो फिल्म ‘यो मन त मेरो नेपाली हो’को सम्पूर्ण छायाँकन

इटहरी/ भ्वाइस अफ नेपालको स्टुडियो र बालाजु ल्याबमा आइताबारबाट छायांकन गरिएको ‘आँखै रसिलो’ बोलको गीतको मंगलबार बिहान छायांकन सकिए सगै फिल्म ‘यो मन त मेरो नेपाली हो’को सम्पूर्ण छायांकन सकिएको छ । उक्त गीत ‘आँखै रसिलो’मा दीपक शर्माको शब्द तथा संगीत रहेको छ भने अस्मिता अधिकारी र सबिन सुबेदीको स्वर रहेको छ । सो गीतमा कविराज गहतराजले कोरियोग्राफी रहेको छ भने उक्त गीतको भिडियोमा फिल्मका मुख्य कलाकार रोशन श्रेष्ठ र आयुषा समालसगै मेरो डान्स युनिभर्सकी बिजेता खुशी कार्की, नारायण प्रधान, डि आइडीका टप टेन डान्सर नरेश वीर सिंहलाई फिचर्ड गरिएको छ ।

पद्मा ईश्वर ईन्टरटेन्मेन्ट प्रा.लि.को प्रस्तुतीमा मित्र प्रधान (नर) को प्रस्तुतिमा निर्माण भएको ‘यो मन त मेरो नेपाली हो’ ले विदेशमा रहेका नेपालीको मुद्धालाई उठान गर्ने फिल्मले नेपाली भाषा, साहित्य, कला, यसको ईतिहास, महत्व र नेपाली भाषाको गौरवसंगै नेपाली को हुन् भन्ने विषयबस्तुलाई पस्किएको बताईएको छ । शिवम् अधिकारीको लेखनमा निर्माण भएको यो फिल्म युनिटले केहिदिन अघि अमेरिकामा छायांकन सकेर नेपाल फर्किएको थियो । त्यसभन्दा पहिला यो फिल्मको नेपालको झापा, इलाम साथै भारतको सिक्किम, दार्जीलिङ, जयगाउ पश्चिम् बङ्गाल लगायतको ठाउमा छायांकन गरिएको थियो ।

यो फिल्ममा भारत, मलेसिया, पोल्याण्ड, अस्टिया, बेल्जियम, ट्युनिसिया, जर्मनी, साउथ अफ्रीका लगायतका देशका कलाकारहरुको अभिनय रहेको छ भने फिल्मलाई अमेरिका निवासी मित्र प्रधान नरले निर्देशन गरेका छन् । उनि साहित्यकार समेत हुन् । ज्ञान बहादुर प्रधान ‘रोशन’को निर्माणमा बनेको फिल्ममा नेपालि कलाकारहरु रोशन श्रेष्ठ, विल्सन विक्रम राई, बुद्धि तामाङ ‘हैट’, विजय बराल, आयुषा समाल, नारायण खाती, भुपेन्द्र लिङ्देन “मन्त्री”, सुबास भन्डारी, बिजय सुब्बा, बिजिता बर्देवा, देवराज राजबंशी लगायतको अभिनय रहेको छ ।