इटहरी/ गीत जस्तो यतिबेला गायिका मधु क्षेत्रीको जिन्दगी पनि त्यस्तै भैरहेको छ । अर्थात उनको स्वरमा रहेको चर्चित गीत ‘सोचेझै जिन्दगी रैनछ’ । हो, अहिले फेरि उनको जीवन यस्तै भैरहेको छ । जे नहोस सोचेर नयाँ वैवाहिक जीवन सुरु गरिन्, अहिले त्यसको विपरीत भएको छ । अर्थात उनको पहिलो श्रीमानसँग डिभोर्सपछि दोस्रो विवाह गरेकी उनी अहिले फेरि सम्बन्धलाई विश्राम दिने मोडमा पुगेकी छन् । मधुले दोश्रो विवाहको रुपमा सुरेश खड्कासंग २ वर्षअघि पतिपत्नीको सम्बन्धको सुरुवात गरिन् । सुरेशको पनि सो बेला डिभोर्स भएको थियो भने मधुको पनि ।
आफुले सुरेश जस्तो श्रीमान पाएकोमा खुशी व्यक्त गर्दै आएकी मधुको अचानक यस्तो खबरले उनका फ्यानहरु निराश भएका छन् । पछिल्लो केही समयदेखि यी २ श्रीमान श्रीमतीबिच संका र खटपटी बढिरहेको थियो । एकअर्काले अरुसंग सम्बन्धमा रहेको संका गर्ने गरेको बताईएको छ । सामाजिक संजाल फेसबुकमा सार्वजनिक भिडियोमा उनले रुदै आफ्नो पिंडा अभिव्यक्त गरेकी छन् । आफू गर्भवती भएको अवस्थामा श्रीमानले कुटपिट गरेको समेत बताएकी छन् । यता आफुलाई संगै आफ्नी छोरीलाई सुरेशको बुवा अर्थात मधुकी ससुराले संबेदनसिल अङ्गमा छुने गरेको पनि खुलासा गरिन् ।
यसरी हेर्दा मधु र उनकी छोरी दुबैलाई सुरेशको परिवारबाटै अभद्र व्यवहार भएको बुझिन्छ । मधुका अनुसार जे जस्तो भएपनी पेटमा हुर्कदै गरेको बच्चाको बुवा र आफ्नो श्रीमान भएको कारण सहेर बसेको बताईन् । अब जति झुके झुके अब नझुक्ने उनको कुरा छ । उनी र उनको पहिलो श्रीमानपट्टिको छोरीसमेतलाई लिएर सुरेशसंग विवाहपछि अस्ट्रेलिया गएकी थिइन् । उनले अस्ट्रेलिया सेटल हुन गएसंगै साङितीक करियरलाई समेत बिट मारेकी थिइन् भने आमाछोरीले नै जागिर गर्दै थिइन् । यता सुरेशको पनि पहिलो श्रीमतीबाट एक बच्चा छ तर, उनिसंग बस्दैनन् ।
Discussion about this post