इटहरी/ सामाजिक संजालमा यतिबेला गायिका सन्जु मोक्तानलाई गाली गर्नेहरुको लहर छ । एक पोडकास्टमा विवादित अभिव्यक्ति दिएपछि उनको अहिले सामाजिक संजालमा चर्को आलोचना भैरहेको हो । उनले सो पोस्टकास्टमा ‘टिकटकमा कमेन्ट गर्नेहरु नेपालकै पनि हामिभन्दा पछडिएको कम्युनिटीबाट हुने र हरेक कुराबाट हरेस खाएकोहरु कमेन्टमा आउने बताईन् ।
यस्तै उनले आफ्नो टिकटकमा कमेन्ट गर्नेहरु गर्ल्फ कन्ट्रीबाट नेपालीहरु धेरै मात्रामा आउने गरेको भन्दै उनिहरुलाई अस्ट्रेलिया युएस तिरको जस्तो दुबई, कतार, साउदीमा राम्रो कमाई नहुने, घाममा टट्टिनुपर्ने, परिवारबाट फायर भएकाहरु हुन्छन् । खाडी मुलुकमा भएकाहरुले उक्त फ्रस्टेसन निकाल्न आफ्नो टिकटकमा आउने गरेको बताईन् । उनको यी अभिव्यक्ति सहितको भिडियो क्लिपहरु अहिले फेसबुक लगायतका सामाजिक संजालमा भाईरल भैरहेका छन् ।
भाईरलसंगै उनले गाली समेत खाईरहेका छन् । उनले आफ्नो सामाजिक संजाल फेसबुकमा पोस्ट गरेका पछिल्ला भिडियोहरुको अधिकांश कमेन्टमा गालीगर्नेहरुको ताँती छ । गायिका मोक्तानले पछडिएको समुदायलाई अपहेलित गरेको र खाडी मुलुकमा रहेका नेपालीहरुको मनमा चोट पुर्याएको भन्दै उनले माफी माग्नुपर्ने आशयका कमेन्ट तथा फेसबुक युजरहरुले पोस्ट गरिरहेका छन् ।
यतिबेला उनी मान्छे राम्रो भएपनी उनको बौद्धिक क्षमता भने नभएको चर्चा चलिरहेको छ । गायिका मोक्तान भ्वाइस अफ नेपाल तेस्रो संस्करणबाट उदाएकी गायिका हुन् । सो रियालिटी शोमा ब्याटल राउन्डबाट निकै चर्चा बटुल्न सफल भएकी थिइन् ।
Discussion about this post