एकबेलाको हिट गीत ‘सानू म’का मोडल दिपेशको हिड्दा हिड्दै लडेर निधन

इटहरी/ एक समयका हिट गीत ‘सानू म’ का मोडल दिपेश लामाको निधन भएको छ । उमेरले ३९ वर्ष पुगेका उनि बाटोमा हिड्दा हिड्दै अचानक लडेका थिए । लडेर बेहोस भएका उनी लडेकै ठाउँबाट कहिले नफर्किने गरि अस्ताए । फिल्म निर्देशक तथा रास्वपा सांसद असिम शाहका अनुसार हेपाटाइटिस बि भएका दिपेश काठमाडौको बसुन्धरामा हिडिरहेको अवस्थामा अचानक लडेका थिए ।

तर, हेपाटाइटिस बि का कारण नभई हृदयघातका निधन भएको उनको संका छ । नाताले शाह स्व. दिपेशका भिनाजु पर्छन् ।उनको निधनपछी यतिबेला उनी अभिनित गीत ‘सानू म’ युट्युबमा सर्च गर्नेहरु बढेर गएको देख्न सकिन्छ ।

उक्त गीतको भिडियोमा उनीसंगै सुवानी मोक्तान फिचर्ड रहेकी छन् भने आलोक नेम्वाङको निर्देशन तथा प्रेम लामाको स्वर रहेको छ । सो गीत उनका फ्यानहरुले युट्युबमा गीत सर्च गर्दै गीतको कमेन्टमा श्रद्धाञ्जली भन्दै कमेन्टहरु निकै आईरहेका छन् । दीपेशको पार्थिव शरीरलाई मंगलबार नै अन्त्येष्टि गरिएको छ ।दिपेशले थुप्रै गीतहरु सहित केही सिरियलमा समेत अभिनय गरेका थिए ।