इटहरी/ कोशी प्रदेशको इटहरी निवासी सुमन फुयाल संयुक्त अरब इमिरेट्स (यूएई) ले २०२० बाट सुरु गरेको ‘गोल्डेन भिषा’ पाउने पहिलो नेपाली भएका छन् । यो भिषा नेपाली वा अन्य देशका सर्वसाधारण नागरिकले पाउन असम्भव जस्तै नै छ । चलचित्र क्षेत्रका हस्तीहरुले पनि यो भिषाका लागी मरिहत्ते गरिरहेका हुन्छन् । केहि वर्षअघि बलिउडका अभिनेता संजय दत्तले यो भिषा प्राप्त गरेका थिए भने भिषा प्राप्त गरेपछी उनले सामाजिक संजालबाट खुशी व्यक्त गरेका थिए । बलिउड फिल्म उधोगबाट यो भिषा प्राप्त गर्ने दत्त पहिलो ब्यक्ति हुन् ।
यस्तै केहि साताअघि मात्रै बलिउड अभिनेत्री सोनाक्षी शिन्हाले पनि यो भिषा प्राप्त गरेकी थिइन् भने बलिउडका दर्जन बढी स्थापित कलाकारहरुले यो भिषा प्राप्त गरेका छन् । यता नेपाली कलाकारहरुमा पनि यो भिषा प्रती आकर्षण बढ्दो छ, तर प्राप्त गर्न भने सकेका छैनन् । यसअघि पनि एक नेपालीले यो भिषा प्राप्त गरेका थिए । तर उनी युएई मै कार्यरत हुन् । यता हालै गोल्डेन भिषा प्राप्त गर्ने सुमनले भने नेपालबाटै २ महिनाअघि अनलाइन एप्लाई गरेका थिए । त्यसैले उनी नेपालबाट एप्लाई गरेर यो भिषा प्राप्त गर्ने पहिलो नेपाली हुन् भन्न सकिन्छ ।
यो भिषा ‘असाधारण प्रतिभा’ भएका युएईका स्वदेशी तथा विदेशी नागरिकले स्थायी बसोबासको व्यवस्था सहित १० वर्षका लागी नविकरण गर्ने सुविधा सहित प्राप्त गर्न सक्छन् । गोल्डेन भिषाले डाक्टर, इन्जिनियर्स, वैज्ञानिक तथा कलाकारजस्ता प्रतिभावान ब्यक्तिहरुलाई प्राथमिकता दिन्छ । सुमन फुयाल आईटी एक्स्पर्ट हुन् । आईटिमा प्रतिभावान फुयालले अनलाइन एप्लाइ गरेर भिषा स्वीकृत भएपछि स्वयं उपस्थित भएर समेत भेरिफाईड गर्नुपर्ने भएको हुनाले उनी यतिबेला युएई पुगेर गोल्डेन भिषा लिइसकेका छन् ।
सुनसरीको इटहरीमै रहेर करिब १० वर्षदेखी निरन्तर लागिपरेर आफ्नो आईटी करियरलाई अन्तर्राष्ट्रियकरणी गरेका उनी चर्चित अनलाईन प्लाटफर्म ‘विक्स’को पार्टनर समेत हुन् । नेपालबाट उनी यसका लागी एकमात्र पार्टनर हुन् । यस्तै उनले आईटी क्षेत्रबाटै वर्ल्ड रेकर्ड समेत राखेका छन् । उनले गुगल, माईक्रोसफ्ट लगायत १८ अन्य प्लाटफर्मबाट सर्टिफिकेट समेत प्राप्त गरिसकेका छन् । बलिउडका लोकप्रिय कलाकारहरूले झै नेपालका आईटी क्षेत्रका सुमनले गोल्डेन भिषा प्राप्त गरेसंगै नेपाली सेलेब्रेटी माझमा पनि यो भिषाको चर्चा र चासो सुरु भएको बुझ्न सकिन्छ ।
Discussion about this post