इटहरी/ फिल्म फर्की फर्की पछि यतिबेला अभिनेता अनमोल केसी फिल्म ‘जेरी अन टप’ का लागी तयारीमा छन् । यतिबेला यो फिल्मका लागी अन्य कलाकार छनौटको कार्य समेत भैरहेको छ । यस्तैमा यो फिल्मका लागी २ शर्माको इन्ट्री भएको छ । अभिनेत्री आँचल शर्मा र आना शर्मा । बुझिए अनुसार ‘जेरी अन टप’मा अनमोलको जोडिको रुपमा अभिनेत्री आना शर्मा रहनेछिन् ।
फिल्मका निर्माता सरोज न्यौपानेले यसबारे जानकारी दिएका छन् । तर, उनले ‘थ्री ए’ लेख्दै यो कुरा खुलाएका थिए । तर एक अभिनेत्रीको भने नाम खुलेको थिएन । अन्ततः अभिनेत्री आँचल शर्मा जोडिएसंगै निर्माताको अनुसार थ्री ए पूरा भएको छ ।
असार पहिलो साताबाट छायांकनमा निस्कने तयारीमा रहेको फिल्मलाई हाल प्रदर्शनमा रहेको फिल्म ‘फर्की फर्की’का निर्देशक सुयोग गुरुङले नै निर्देशन गर्नेछन् । यसअघि यो फिल्मलाई हेमराज बिसिले निर्देशन गर्ने तय भएको थियो । तर उनी अमेरिका गरेको भएकाले निर्देशक परिवर्तन भएको हो । यसअघि सन् २०१४ मा प्रदर्शन भएको अनमोल अभिनित फिल्म ‘जेरी’ को दोश्रो शृङ्खला हो ‘जेरी अन टप’ । यो फिल्मलाई नेपाल र अष्ट्रेलियामा खिचिने बताईएको छ ।
Discussion about this post