छोरा नजन्मदा घरमा भाँडभैलो, ‘सतीदेवी’लाई जुत्ताको माला र कालोमोसो लगाएर लखेटियो

इटहरी/ सतिदेवी अधिकारी, जस्को नाम भर्खरै खुल्दैछ । धेरै महिना अघिदेखी एक पोस्टर सामाजिक संजालमा हामिले देख्दै आएका थियौं । जहाँ एक युवतिलाई कालोमोसो दलेर जुत्ताको माला लगाइदिएर गाउँलेहरुले लखेट्दै गरेको देखिन्थ्यो । अहिले ती युवतीको पहिचान खुलेको छ, उनी नै हुन् १९ वर्षीय सतिदेवी अधिकारी । गाउँघरमा ब्याप्त रहेको रुढीबादी सोच र साँघुरो मन भएकाहरुबाट उनी अछुतो रहन सकिनन् । घरकै अभिभावकबाट अपहेलित मात्रै हैन छोरा जन्माउन नसक्दा दिनरात आमाले बुवाको हातबाट खानुपरेको कुटाईले हैरानी थिइन् ।

उता साथीले एकपटक पढी त हेर पूरा जवानी निस्किन्छ भन्दै ‘यौवनको प्यास’ लेखेको किताब दिन्छिन् । अब सतीदेवी अधिकारीलाई किन कालोमोसो दलेर जुत्ताको माला लगाएर लखेटियो त ? यो प्रश्नको जवाफ यहि माथीको २ कारणले दिनसक्छ । जसको लागी फिल्म ‘सतीदेवी’को प्रदर्शन पर्खनै पर्ने हुन्छ । आउँदो साउन ४ गतेबाट देशव्यापी प्रदर्शनमा आउने फिल्म ‘सतीदेवी’को टिजर सार्वजनिक गरिएको छ । केही दिनअघि दोश्रो पोस्टर सार्वजनिक गरेको फिल्म निर्माण युनिटले प्रचारप्रसारलाई व्यापक बनाउन शुक्रवार टिजर सार्वजनिक गरेको हो । हेर्नुस् टिजर ।

लक्ष्मण सुवेदीको लेखन तथा निर्देशन रहेको फिल्मको प्रमुख अभिनेत्रीको रुपमा मलिका महत छिन् । यस्तै बालकालाकार हर्षिका वलि, मन्जिला बानियाँ, सन्दीप बाबू लोहनी, रमेश बुढाथोकी, कुल बहादुर अधिकारी, भोला सापकोटा, सिर्जना अधिकारी, सुजाता सिवाकोटी, सन्देश लिम्बु, मनिषा सापकोटा लगायतको समेत अभिनय रहेको छ । बाबू श्रेष्ठको छायांकन तथा दिलाशा र साराको प्रस्तुतिमा निर्माण भएको फिल्म ‘सतीदेवी’लाई श्रीदेवी सुवेदी र बिशाल सुवेदीले संयुक्त निर्माण गरेका हुन् ।