इटहरी/ विश्वका प्रतिष्ठित महोत्सव टोरोन्टो र बुसानसहित २० भन्दा बढी अन्तर्राष्ट्रिय फिल्म फेस्टिभलमा पुगेर ख्याती कमाएको नेपाली फिल्म ‘गाउँ आएको बाटो’ यहि जेठ २५ गतेबाट सार्वजनिक प्रदर्शनमा आउँदै छ । यतिबेला प्रचारप्रसार लाई तिब्रता दिइरहेको निर्माण युनिटले फिल्ममा समावेश ‘राई माईला’ बोलको गीत तथा भिडियो सार्वजनिक गरेको छ । सार्वजनिक गीतको यतिबेला सामाजिक संजालमा तारिफ भैरहेको छ ।
गाउँमा सुविधा थपिएपछी परेको राई माईलाको संकट, संघर्ष र जीवन भोगाई सार्वजनिक गीतको भिडियोमा प्रस्तुत गरिएको छ । सार्वजनिक गीतमा प्रसिद्ध कवि श्रवण मुकारुङको शब्द रचना समावेश गरिएको छ । मनछुने गीतमा कालीप्रसाद बाँस्कोटाको सङ्गीत तथा सुनिता थेगिमको स्वर समावेश गरिव्को छ । हेर्नुस् गीत ।
फिल्म ‘गाउँ आएको बाटो’मा दयाहाङसहित पशुपति राई, प्रसान राई (बाल कलाकार), खानुमा राई, केशव राई, प्रमिशा राई, प्रेम सुब्बा आदिको समेत अभिनय रहेको छ । महेश राईको कथा रहेको फिल्मको पटकथा लेखनमा उनलाई निर्देशक सुब्बाले सघाएका छन् । यो फिल्मलाई कोशी प्रदेशको पहाडी जिल्ला भोजपुरमा खिचिएको हो । दुर्गम गाउँमा सडक र गाडी आएपछिको परिवर्तन र त्यसले पार्ने असरको कथा ‘गाउँ आएको बाटो’ फिल्ममा समावेश गरिएको छ ।
Discussion about this post