इटहरी/ निर्माण भएपछि सार्वजनिक एक तस्विरकै कारण चर्चामा रहेको फिल्म ‘सतिदेवी’ अर्को पोस्टर सार्वजनिक भएको हो । यो फिल्म आगामी साउनको ४ गते गतेबाट सार्वजनिक प्रदर्शनमा आउदैछ । यसअघि सार्वजनिक पहिलो पोस्टरमा अभिनेत्री मलिका महतलाई कालोमोसो दलेर जुत्ताको माला लगाएर लखेट्दै गरेको देखिन्थ्यो । सोही पोस्टरका कारण फिल्मप्रती कौतुहलता थपिएको थियो । हालै सार्वजनिक दोश्रो पोस्टरमा भने अभिनेत्री मलिकालाई सानो दुधे बच्चालाई स्तनपान गराउदै निरास भावमा देखिएको छ ।
यस्तै सार्वजनिक पोस्टरमा मलिकासंगै बालकलाकार हर्षिका वली र मन्जिला बाँनियालाई पनि फिचर्ड गरिएको छ । उनीहरु निरास मलिकाको साथमा रोइरहेको देख्नसकिन्छ । फिल्मको रिलिज मिति नजिकिदै गर्दा ‘सतीदेवी’ निर्माण युनिटले यो संगै एकपछि अर्को प्रचारप्रसारात्मक सामग्रीहरु सार्वजनिक गर्ने तयारीमा छ । लेखक तथा निर्देशक लक्ष्मण सुवेदी निर्देशित ‘सतीदेवी’ को प्रमुख भुमिकामा अभिनेत्री मलिका महतलाई नै प्रस्तुत गरिएको छ ।
यो फिल्मले सौराह दक्षिण एशियाली फिल्म फेष्टिबलमा सर्वोत्कृष्ट फिल्म, यहि फिल्मबाट शिव रेग्मीले सर्वोत्कृष्ट निर्देशक तथा तेश्रो नेपाल ग्रामिण फिल्म फेष्टिभलमा सर्वोत्कृष्ट फिल्म संगै सर्वोत्कृष्ट स्क्रीप्ट र सर्वोत्कृष्ट अभिनेत्री जुरी मेन्सन अवार्ड जितेको छ ।
फिल्ममा मलिकासँगै हर्षिका वली, मञ्जिला बानियाँ, सन्दीप बाबु लोहनी, रमेश बुढाथोकी, कुलदीप अधिकारी, भोला सापकोटा, सृजना अधिकारी, सुजिता सिवाकोटी, सन्देश लिम्बु, मनिषा सापकोटा, जयन्त रेग्मी, बिमल श्रेष्ठ, देव महर्जन, तुलसी श्रेष्ठ, इभेन जोशी, इश्वरी सिंह, पवन केसी र जगदिश अधिकारीको अभिनय रहेको छ । दिलासा र साराको प्रस्तुतिमा निर्माण भएको फिल्मको कथा-पटकथा पनि लेखक तथा निर्देशक सुवेदीले नै तयार गरेका हुन् । फिल्मका निर्माता पनि सुवेदी नै हुन् ।
Discussion about this post