इटहरी/ संचार उद्धमी तथा कान्तिपुर मिडिया ग्रुपका अध्यक्ष कैलाश सिरोहिया पक्राउ परेको घटनामा सिरोहियाकै पक्षमा उभिएर अभिव्यक्ती दिएपछि विवादमा मुछिएका वरिष्ठ हास्यकलाकारद्वय हरिबंश आचार्य र मदनकृष्ण श्रेष्ठ (मह जोडि) ले माफी मागेका छन् ।
केहि दिनदेखि महजोडिले सामाजिक संजालमा अत्याधिक मात्रामा नकारात्मक कमेन्टहरुको सामना गरिरहनु परेको थियो । जसको सम्बोधन स्वरुप महजोडिले एक भिडियो सामाजिक संजालमा सार्वजनिक गर्दै आफुहरुबाट भुलवश गल्तीभएकोमा माफी मागेका हुन् ।
भिडियोमा मदनकृष्ण श्रेष्ठले यस्तो भनेका छन् ‘हामी ब्रिक्स क्याफेमा बसेर अस्ट्रेलिया आउने विषयमा गम्भीर रूपमा छलफल गर्दै थियौँ । त्यही बेला त्योभन्दा गम्भीर विषयमा, अदालतमा विचाराधीन विषयमा थुप्रै पत्रकारहरू बसेर छलफल गर्नु भएको रहेछ, एउटा मुडमा बसेको समय अपर्झट बोल्ने प्रस्ताव आयो । हामी पनि के बोल्ने भनेर अकमकियौँ ।’ त्यसरी अपर्झट बोल्दा हामीबाट त्रुटि हुन गएको महसुस गरेका छौँ ।’
यस्तै भिडियोमा हरिबंश आचार्यले यस्तो भनेका छन् ‘अदालतमा विचाराधीन विषयमा हामीले नबोलेको भए हुन्थ्यो । हामीबाट त्रुटि भयो । त्यसका लागि तपाईहरुले हामीलाई यत्रो वर्ष आफ्नो मान्छे सम्झेर माया गरिदिनुभयो । यो पटक पनि तपाईहरुले यी सबै कुरा बिर्सिदिएर हामिलाई माफ गर्दिन अनुरोध गर्दछु’ ।
Discussion about this post