इटहरी/ २०८१ सालको जेठ २५ गतेबाट सार्वजनिक प्रदर्शनमा आउने फिल्म ‘लण्डन टु पेरिस’को पहिलो गीत युट्युबमा सार्वजनिक गरिएको छ । सार्वजनिक ‘खुल्ला आकाश’ बोलको गीतको भिडियोमा डेव्यु अभिनेता निश्चल खड्कासँग अभिनेत्री साम्राज्ञी राज्यलक्ष्मी शाहलाई रोमान्टिक अवतारमा प्रस्तुत गरिएको छ । घनश्याम लामिछाने निर्देशित फिल्म ‘लण्डन टु पेरिस’को यो पहिलो गीतमा युवापुस्ता माझ चर्चित संगीतकार हर्कुलस बस्नेतको शब्द, संगीत र स्वर रहेको छ ।
काठमाडौमा एक कार्यक्रमको आयोजना गर्दै यो गीतको भिडियो सार्वजनिक गरिएको हो । एबी इन्टरनेश्नलको प्रस्तुति रहेको फिल्ममा गौतम प्रोडक्शन र अर्चिड भेस फिल्मस् लिमिटेडको निर्माण सहकार्य रहेको छ भने सार्वजनिक भिडियोलाई लण्डनमा खिचिएको हो । हेर्नुस् भिडियो ।
फिल्ममा साम्राज्ञी राज्यलक्ष्मी, निश्चल खड्का, कविर खड्का र गरिमा शर्मामा संगै रुष्मा थापा, मनिश श्रेष्ठ तथा मनिष गान्धीको प्रमुख अभिनय रहेको छ । निश्चल र गरिमाले यही फिल्मबाट डेब्यू गरेका हुन् । फिल्मले ट्राभल लभस्टोरीको कथा प्रस्तुत गर्छ । प्रदिप भारद्वजले ‘लण्डन टु पेरिस’को कथा, पटकथा र संवाद तयार गरेका हुन् । आरोन बस्नेत, एरियाना बस्नेत तथा परी राना निर्माताका रुपमा रहेको यो फिल्मको सनिश खकुरेल र अजित केआर थापा सह-निर्माता हुन् भने अंकित गौतम, सुरज कुँवर र विजय भण्डारी कार्यकारी निर्माता हुन् ।
Discussion about this post