इटहरी/ दुई वर्ष लामो प्रेम सम्बन्धलाई विवाहमा परिणत गरेका गायक निशान भट्टराई र मोडल ऋचा न्यौपाने अलग भएका छन् । विवाह भएको ३ वर्षमै यी २ ले सम्बन्ध विच्छेद गरेका छन् । २०७७ सालमा गायक भट्टराई र मोडल न्यौपानेले अदालती विवाह गरेका थिए ।
तर, सम्बन्धमा लामो समयदेखी दरार आएपछि अन्ततः अदालतको ढोका ढकढक्याउदै पतिपत्नी बिचको सम्बन्धबाट अलग्गिएका हुन् । यहि चैतको ७ गते निशान र ऋचाले काभ्रे जिल्ला अदालतका न्यायाधीश विश्वनाथ भट्टराईको एकल इजलासले सम्बन्ध विच्छेदको फैसला गरेको हो ।
अदालतको वेबसाइटमा आपसी सहमतिमै उनीहरूले डिभोर्स गरेको जनाइएको छ। पति पत्नीबिचको सम्बन्ध विच्छेद हुने गरी मिलापत्र गर्न सहमत भई दुवै पक्षहरूले सहीछाप समेत गरेकाले मुलुकी देवानी कार्यविधि संहिता २०७४ को दफा १९३ बमोजिम प्रस्तुत मिलापत्र प्रमाणित गरिएको फैसलामा लेखिएको छ ।
Discussion about this post