इटहरी / रोहित अधिकारी निर्माता तथा सुयोग गुरुङको निर्देशन रहेको फिल्म ‘फर्की फर्की’को फस्टलुक पोस्टर सार्वजनिक गरिएको छ । फिल्म निर्माण युनिटले अभिनेता अनमोल केसीको जन्मदिनको अवसर पारेर फिल्मको फस्टलुक पोस्टर सार्वजनिक गरेको हो ।
नयाँ वर्ष २०८१ सालको जेठ १० गतेबाट रिलिजमा आउन लागेको फिल्मको फस्टलुकमा अनमोल मात्र फिचर्ड भएका छन् । अनमोलको यसअघिका फिल्म भन्दा यो पटक पोस्टर फरक देखिएको छ । फिल्मको फस्टलुक हेर्दा फिल्मले समयको कथा भन्छ भन्ने अनुमान लगाउन सकिन्छ ।
लभ स्टोरी जनरामा बनेको यो फिल्मलाई ओम प्रकाश अग्रवालसँग मिलेर रोहित अधिकारीले निर्माण गरेका हुन् । फिल्मको कथा तथा स्कृनप्ले निर्देशक गुरुङले नै गरेका हुन् । मनोज ओली र रामु न्यौपाने यस फिल्मको सह–निर्माता हुन् भने फिल्ममा अनमोल केसीको अलवा जसिता गुरुङ, रवि काफ्ले, समृद्धि अर्याल, कृष्ण मल्ल, निर्मल शर्मा लगायत कलाकारहरुको अभिनय रहेको छ ।
Discussion about this post