इटहरी / महिला राष्ट्रिय फुटबल टिमकी कप्तान एन्जिला तुम्बापो सुब्बाको जीवनबाट प्रभावित चलचित्र ‘अन्जिला’ आउदो वर्ष २०८१ सालको माघ ११ गतेबाट देशभरका सिनेमा घरहरूमा प्रदर्शन हुने भएको छ । फिल्मका निर्देशक मिलन चाम्सले बिहिवार एक पोस्टर सहित सामाजिक संजाल फेसबुकमा एक पोस्ट गर्दै प्रदर्शन मिति सार्वजनिक गरेका हुन् । आउँदो जुलाई २०२४ मा बेलायत, हङकङमा भब्य प्रिमियर संगै अन्य मूलुकमा पनी चलचित्र ‘अन्जिला’ प्रदर्शन हुने फिल्मका निर्देशक चाम्सले जानकारी गराएका छन् ।
निर्देशक चाम्सका अनुसार यो चलचित्र ठ्याक्कै एञ्जिलाको बायोपिक भने हैन । तर, ७५ प्रतिशत एञ्जिलाकै जीवनी हुने उनको भनाई छ । यो फिल्मको निर्माता प्रेम कुमार श्रेष्ठ हुन् । एञ्जिलाको कष्टकर बाल्य जीवनदेखि सफलतासम्मको कथा यो चलचित्रमा देखाईने छ । १४ वर्षदेखि एञ्जिलाको अभिभावकत्व ग्रहण गर्दै आएका निर्माता श्रेष्ठले शिक्षा-दिक्षादेखि खेलाडी बनाउने सहमतिमा हस्ताक्षर गरेर अञ्जिलालाई मोरङबाट काठमाडौँ ल्याएका थिए । श्रेष्ठले एञ्जिलाको सङ्घर्ष र सफलताको कथाले धेरैलाई ‘इन्स्पायर’ गर्छ भन्ने लागेर चलचित्र बनाएको बताए ।
मुन लाइट इन्टरटेनमेन्टको ब्यानरमा निर्माण भएको फिल्मको धेरैजसो छायांकन एन्जिलाको जन्मथलो इलामको आइतबारे सहित झापा र काठमाडौँमा गरिएको हो । फिल्ममा अञ्जीलाको समेत मुख्य भुमिकामा अभिनय रहेको छ भने दयाहाङ राई, मिरुना मगर, सिर्जना सुब्बा, माओत्से गुरुङ, बुद्धि तामाङ, विजय बराल, हरि खड्का, मञ्जु श्रेष्ठ, वेदना राई, सिद्धार्थ सिंह, सुरज तमु, सुमिन गुरुङ, विष्णु मोक्तान लगायतको पनि अभिनय रहेको छ । ‘अञ्जीला’को सहनिर्मातामा विनोद अग्रवाल र राजेश बगाडिया रहेका छन् । सुदीप बरालले छायांकन गरेको यस चलचित्रका सम्पादक मिलन श्रेष्ठ हुन् ।
Discussion about this post