इटहरी / अभिनेता अनमोल केसीले छायांकनमा जाने अन्तिम अवस्थामा छोडेको फिल्म ‘रामायण’ निर्माण युनिटले प्रदर्शन मिति सार्वजनिक गरेको छ । छायांकन नै सुरु नभैसकेको फिल्मका लागी अनमोलले छाडेको ठाउमा पल शाहलाई अनुबन्ध गर्दै फिल्म निर्माण हुने भनिएको थियो । तर, त्यसअघि अनमोलले छाडेपछी भने फिल्म बन्ने कि नबन्ने भन्ने कुरामा अन्योलता छाएको थियो । निर्देशक सुदर्शन थापाले आइतबार ‘रावायण’ को प्रदर्शन मिति घोषणा गरेका छन् । फागु पूर्णिमाको शुभकामना दिदै थापाले सामाजिक सन्जाल फेसबुकमार्फत अभिनेत्री पूजा शर्मासंग सहकार्य गर्दै बनाउने यो फिल्म आगामी वर्षको भदौ २१ गते तीजको दिन प्रदर्शन गर्ने घोषणा गरेका हुन् ।
पूजा शर्मा प्रोडक्शन तथा सुदर्शन थापा प्रोडक्शनको संयुक्त ब्यानरमा बन्ने ‘रावायण’ मा पूजा शर्मा, पल शाह, प्रियंका कार्की, निकीता चाण्डक, प्रमोद अग्रहरी, प्रकाश शाह, कैलाश रावल, शर्मिला मल्ल, अर्जुन जगं शाही, प्रदिप ढकाल आदि कलाकारले अभिनय रहनेछ ।
यो फिल्ममा शिवम अधिकारीको लेखन, सौरभ लामाको छायांकन,श्री श्रेष्ठको एक्शन विक्रम स्वार र रामजी लामिछानेको कोरियोग्राफी, रहने छ । यसको सांगीतिक पक्षको कार्य मुम्बईमा गरिएको छ ।
Discussion about this post